هل حقا نحن جيل فاشل؟؟؟!!!

كثيراً مانسمع في هذه الأيام من أناس كثيرين وخاصةً كبار السن أن

الزمان قد تغير ولم يعد كما السابق ..

يا ريت أيام زمان ترجع ..

كانوا الناس إخوان وأحباب وكل شي كان له طعم ..

كثيراً ما نسمع نبرات الإحباط في مجالس الكبار ويرون أن هذا الجيل لا يصلح

لتحمل المسؤولية

وأن زماننا في كل أطرافه زمان لا يصلح للمعيشة وأنه زمن الإتكال على الغير

وإنتشار المحرمات وضيق العيش ... الخ

نسمعهم يتحسّرون على أيامهم الماضية

ويصفوننا ويصفون زماننا بأمور غريبة



فهل نظرتهم صحيحة أم أنها جائرة ؟؟ ولماذا ؟؟

وهل هم دوماً محقّين فيما يذهبون إليه ؟؟


وهل يخلوا عصرنا من كل شيء جميل لهذه الدرجة التي يرونها ؟؟

أريد أن أرى آرائكم العقلانية دون التعصّب لزماننا ..

هل حقاً نحن جيل فاشل ؟!! انتضر ردودكم تحياتي

Each generation imagines itself to be more intelligent than the one that went before it, and wiser than the one that comes after it.

George Orwell

and i agree

اني اتفق ويه دكتور سامر بالحجي مالته

واني ضد اي واحد يكول قبل احسن من هسه

لان مثلا في مجال الطب مجان اكو لا اشعه ولا علم الباثولوجي ولا الفارما جان هيجي متطور فشلون همه يكونون احسن؟؟

وواحد لمن جان يسافر مجانو يعرفون اخبار الى بعد اشهر او سنين
مو مصل هسه خلال ساعات او حتى دقايق نعرف كلشي


سلامي

مساء الخير
اذا جنا دنحجي على موضوع العلم والتطور فماتصور اكو ثنين يختلفون انو العلم والتكنلوجيا طفرو طفرة رهيبة بهالجيل

اما اذا ردنا نحجي عن الانحلال الخلقي وغيرها....فهم زادت هسة...اكول زادت ماكو مجانت قبل...لان قبل هم جانت موجودة بس بهالزمن بس هسة زادت هواية...

هاي صارت بسبب كثرة الانشغال والسعي وراء المعيشة بحيث صار كل واحد(يكول ياروحي)مثل ميكولون

هذا الجيل بعدها ماستلم زمام الامور حتى يحجون عليه هيج

بكل زمن اكو اشياء حلوة واشياء لا

لمن تصير عدنا الشجاعة ان نكول لاهلنا لا ذاك الوكت نكدر نغير و نصير مو فاشلين اما هسة فاحنا لا نقدم و لا ناخر و ما بيدنا اي شي احنا مجرد خرفان نمشي وية القطيع وين ميروحون احنا وياهم نحجي كومة و نتفلسف بس بالتطبيق كلها تفلت طبعا احنا فاشلين و الاجيال القديمة هم نفس الخريط

احنا هم حاسبين نفسنا شباب و قوة مؤثرة بالمجتمع و الله ولا النا اي تاثير وين ميودون نروح و لا عدنا اي رأي و لا شخصية كل شاب هو نسخة عن اهله هم شنو ارائهم السياسية و الاجتماعية هو مثلهم ما عدا ناس كلش كلش قليل

Heeeeeeeeeeeyy
it's been along time doc.

u are right to some degree but most of those can change with time,esp when they enter the real life without their parents..

لمن تصير عدنا الشجاعة ان نكول لاهلنا لا ذاك الوكت نكدر نغير و نصير مو

حمودي نفلت ونعوفلهمياه مخضرة احسن.....نسافر...لاتغيير ولا بطيخ......اني اشوف مبدا سنفروا بحياتكم احسن طريقة لان لا هالجيل ولا القبلة ولا البعدة حيسوي شي وحنة اللي يريد يسوي شي ويغير الواقع هم ميخلوه......يعني لا يرحمون ولا يخلون رحمة الله تنزل وبس حجي وشعارات على ابو الجيل القديم جان زين والجيل القديم جان منتج والجيل القديم جان جاد ومن هالحجي......اصلا الجيل القديم رجعي ومتخلف والدمار اللي احنة هسة بيه هو نتاج فكر الجيل القديم......الجيل الجديد سيء ما انكر لكن عالاقل استفاد من اخطاء الجيل القبلة.....

اول شي د-ستار طبعا شلون تلاثة متفائلين انطوج اراهم اني و محمد و نبيل الثلاثي المرح

علي الوردي يكول الزمان او التطور مثل شخص يمشي على رجلتين لازم وحدة ثابتة حتى الثانية تكدر تخطو و بعدين هاي الرجل تثبت حتى الاخرى تخطو وهو يشبه الرجل الثابتة بالمحافظين او الجيل الاقدم و الرجل التخطو بالمتجددين اول جيل الشباب اللي يريد التغيير
براي المصيبة مالتنه انو احنا دائما الناس اللي جانت بموقع القرار هي ناس متزمتة و محافظة فعادي كل الناس اللي تريد التغيير راح تطلع هية الاقلية التالفة المنحلة المتخاف من الله و بعد اضافة على هذا اكو مصيبة اكبر هي مصيبة التربية الغلط ليش اتخلي الناس يحجون عليك؟ ليش تضحي علمود البقية ليش هو منو راح يضحي علمودك؟
في كل تغيير لازم اكو ناس تتبنى المبدا و مستعدة تكون جسر و تضحي حتى الشي اللي تطالب بي يصير واقع و الاخرين يطبقوا بعدهم لازم اكو قيادة مشكله هذا الجيل الكل جبناء و انانين و يكول امشي بالطريق القديم اسلملي على الاقل محد يحجي عليه يعني محد مستعد يغامر لان المغامرة طريق احتمال تنجح و احتمال تفشل و محد مستعد يكون هو هذا المضحي
و من جهة اخرى المحافظين خانكينه خنك ماكو واحد يفتح حلكه بس يحجي افكاره حتى يبدي التجريح و الاتهامات بالكفر و الانحلال واللي يعجبج

فبالمختصر احنا جيل كلش عاوي و جيل الكبلنه انكس و امر و الجاي هم فشل في فشل لان القيم مالتنه كلها غلط في غلط

هلو شبابا شلونكم
اني اتفق وي سامر و لؤي
سلامي

اها هو هذا بالضبط اللي جنت دا اريد اكولة


العالم بدأ من نقطة الصفر والكل نفس الشي وهسة احنا متأخرين 100 سنة


باختصار جيلنا بالتطور فاشل ,ليش؟؟ مو لأنه احنا أفشل من جيل ابائنا , لا بالعكس احنا تطورنا شوية عن ابائنا بس تأخرنا هواييية هواية عن بقية العالم.. في حين أبائنا جانو ها هم شوية وياهة وياهة


وبالانحلال الخلقي هم بعد افشل تدرون ليش ؟؟ لان انحلالنا الخلقي خفي وهذا انكس من الانحلال الظاهر للعيان
مثل السرطان اللي تحس بي تكدر تداوي بس اللي ما تحس بي وينتشر هذا المصيبة


موضوع حلو د.ستار

تحياتي