هلو شباب
تره الفوروم صاير كللللش بارد ومواضيعه كلش قليله
هذا الموضوع الي اريد نتناقش بيه هنا واحب اعرف ارائكم بيه هو كلش طويل والناس تختلف بيه هوايه
فيا ريت لو نتناقش انتو شنو رأيكم الشخصي

لو كالولك هسه ننطيلك فيزا للدوله الفلانيه ولنفرض استراليا امريكا كندا ( يعني مو اوروبا ولا دوله عربيه) هل تفضل ان تهاجر هناك وتدرس وتكون مستقبلك وعائلتك وتستقر هناك؟ لو انته/انتي تشوف المشاكل خارج العراق اكثر منها بالعراق

رجاءا اذا تحبون تجاوبون فيا ريت لو يكون الجواب صادق وبعد تفكير بينك وبين نفسك، يعني انته لو هسه كالولك عندك فيزا، تشوفوها سهله تعوفون اهلكم بيتكم منطقتكم والشي الاصعب ان تكون عائله بالدول الغربيه؟

هلو لؤي
عاشت ايدك عالموضوع...بلكي شوية يرجع الحيوية للفوروم
وجواب لسؤالك :بالنسبة الي
اني افضل اكمل دراستي بالخارج(اي دولة شهادتها بيها خير)وارجع للعراق..مو لان المشاكل والتأقلم حيكون صعب..وانما باجر عكبة مرح اكون اني وحدي..حتكون عندي عائلة(ان شاء الله)وبالنسبة الي ماقبل اطفالي يتربون بمجتمع غربي وعاداتة وتقاليدة تختلف عن مجتمعنا ..بغض النظر عن هسة مجتمعنا ديمر بحالة تدهور (اذا جاز التعبير)بس هذا ميعني انو حيظل هيج..ويبقى احسن من المجتمعات الغربية ومشاكلها...
بس ان اتحمل الغربة كم سنة في سبيل احصل شهادة بيها خير...ليش لا؟؟

شكرا عالموضوع مرة لخ

شوف عيني

راح احجيلك كلام هو خلاصة اللي تعلمته بفترة ما بعد التخرج


اولا اي مكان هو احسن من العراق ماطول انت برة الوطن العربي
ثانيا اذا احصل فيزا لاستراليا اروح لو اعرف اموت بالطريق لان استراليا بالنسبة النا كخريجين من العراق هي الجنة ...المعادلة سهلة والشغل كومة فوك ما تتصور

نصيحة لكل الاخوان اللي اصغر مني

لاتتورطون مثلنا

اذا عدكم فلوس فد دفترين جاهزة اطلعو من هسة والطريق واضح وسهل واني مستعد اساعد اي احد باي معلومة

هلو شباب
حبي لؤي خارج العراق احسن طبعا من كل النواحي
و عالغربة سهله اول اشهر راح تشوفها صعبة بعدين تتعود
و شكرا عالموضوع

و الله لؤي اذا اكو هيجي فرصه المفروض واحد ميضيعها خصوصا كندا و استراليا لان اسهل من امريكا والشغل احسن

هلو شباب وبنات

بس حبيت أكول أنه أني أتفق ويه نبيل بنقطه أساسيه.... وهي أنه أني هم لو أعرف أمووووت بالطريق الى أي مكان غير العراق هم أطلع وأعوف العراق

Iam that deperate too to leave this place after my experience in rotation here and knowing what's it like to be A DOCTOR IN IRAQ !
I guess that's why my motto in the last copule of years has been : "ANY WHERE BUT HERE" !!!!

هلو لؤي وهلو شباب شلونكم؟
طبعا خوش موضوع وعاشت ايدك ...
بالنسبة الي قبل جنت كلش قافل بس اريد اسافر واستقر طول عمري بغير مكان ودولة اجنبية وخصوصا الي كلتهن
بس ماا عرف اشو بعدين بدلت رايي هسة المهم الي اريدة انه احصل شهادة زينة من برة واستقر بدولة مجتمعها قريب من مجتمعنا ويكون احسن حتة لو العراق لو الظروف بيه تسمح ... بس طبعا هو كلشي حسب الظروف
امنياتي للجميع ...

truely well said...
the internship or as we all call it the ROTATION is a hell by all means especially for us in the MCTC..

I might go along with bloodstone that i wish to get a degree and practise it in here
regardless anything else...

thx doc. for the refreshing topic

regards as ever

Samer S. al-Obaidi,M.D

اكو قاعدة تكول ماكو واحد طفر من العراق و رجعلة و كلش قليل الناس الي رجعولة

و السبب معروف لان العراق تعبان لان ناسة تعبانين و دنداوم هسة و دنشوف ناسنا اشكد ما عدهم وعي و لا يصيرلة جارة فمن الواحد ايسافر برة و ايشوف الفرق بين اهناك و العراق ايكول مستحيل بعد ارجع لان مع الاسف العراق صاير بيد الحثالات من ايروحون يلة يستعدل و هذا سبب تدهور مجتمعنا هسة

اني اتمنة ادرس برة و ابلد ابراسة خير علميا مثل امريكا بس اعرف اذا اروح اهناك بعد مستحيل ارجع و اني عندي كرايب اهناك و اعرف اشلونها حياتهم مو مال واحد ايكون اسرة اهناك

فاني بالنسبة الي اكمل فترة الروتيشن و ايجوز البرمننسي هم و بعدين اشوف الوضع لو اقدم دراسة اهنا لو افكر اكمل دراسة برة بس اهم شي بلد ابراسة خير و شهادتها معترف بيها ابكل مكان

بس الشي الزين بالموضوع مفتوحة اهواية برانجات جديدة هسة بالعراق و بغض النظر عن الواسطات الواحد اذا شد حيلة يكدر ايحصل فد برانج بس اهم شي ايكون الة واهس بيه
اما على جوابي الدقيق على سؤالك حبي لؤي هسة ما اريدها للفيزا اني افضل اخلص الروتيشن سنة يلة اقبل ابهاي الفيزا ا لسببين اول شي لازم واحد يكسب خبرة من الدوام و ثاني شي اسافر لان لحد هسة ما مرتبط فاكدر اتفرغ للدراسة تماما وراها مرح ايصير عندي هالتفرغ و هاي اكبر مشكلة اتعيق الدراسة لان اتصير مسؤؤليات متعددة علية

هذا جوابي الصريح يا لؤي

thanks Dr.s sara, nabeel, omar, khaluq, samar, omar emad, samer and Mhmd kh. for your frank reply

اني رأيي انه مثل مكال محمد خالد واحد من يطلع مستحيل يرجع
والي يرجع ميعرف شراح يصير بيه ومثال على هذا الدكاتره الي درسوا بره ومن رجعو للعراق بعد عشرين سنه او اكثر لو انخطفو لو انقتلو لو اجبرو على ترك العراق والي باقي لحد اللان - الله يصبرهم- تعرضو لأهانات تسوه عمره خطيه

صح اني وياكم المجتمع بره صعب واحد يكّون بيه اسره صحيحه بس مو مستحيله هاي الشغله

تتعب وياهم صح وتصرف اكثر والحاله اخطر صح بس لو انته والشريك الي وياك تتعاونون ماكو شي مستحيل

وبعدين على كوله واحد مره شفته جاي للعراق وديقارن فرق بالاطفال مالته ويه اطفال اقاربه كال انتو يمكم شكد سهل واحد يجذب؟؟ وفعلا اني فكرت بهاي الحجايه هوايه

يمنا الاخلاق الي نراويها للناس ونقشمرهم بيها انه احنا خوش ناس والشغله الثانيه الي هي الجنس عدنا اهم شي واحد يبتعد عليهم
بس هم يمهم الكذب هو اكبر واخطر من اي تصرف مو زين

بس نصيحه بسيطه لاخويه الذهب محمد خالد اسمعها مني اخوك الصغير اني وهاي النصحيه اني مجنت اصدكها بس كالولي ياها اخوتي وناس اصدقائي يريدون مصلحتي
اول شي هو كلما تطلع اسرع هو احسن وافضل والفرص الك اكثر
يعني لا تكول هسه الله كريم وبعدين اسافر تره الشغله تصير اكبر واصعب الك بالعمر والدول كلها دتصعب الامتحانات سنه وره سنه
واما بخصوص شغله الخبره : تره كل الخبره الي واحد ياخذها بالعراق اول بالشرق الاوسط كلله صفر
ومع شديد الاسف اكوللك ياها صفر بكل معنه الكلمه وهاي السالفه صارت ويه شخص قريب عليه بكل معنه الكلمه
وهذا الشخص داوم اقامه دوريه بالمدينه واخذ ركومنديشن من اكبر الدكاتره الي جانو موجودين هنا وبالعالم معروفين
وبالاردن داوم بمستشفى ابن الهيثم وهي كلش كلش معروفه بالاردن
من سافر لامريكا داوم اوبسرفر شب شهر واحد بمستشفى بامريكا
يعني مو كدكتور بس كمستمع
ولمن قدم للشغل كل الخبره مالته بالعراق وبالاردن مفادت بس الشهر الواحد الي بامريكا فاد بيه
لان هناك همه مو غشمه كلشي يعرفون
ويعرفون كلش زين انه التعليم مالتنه والخبره كللللها غلط وقديمه وهناك متفيد
صحيح كلامي قاسي بس مع الاسف هيه هاي الحقيقه الي تفاجأت بيها
واذا تريد امثله اللخ انطيلك هم

سلامي وشكرا مره اللخ للكل

Hi everyone.

I am a new member, and graduated from baghdad university medical college in 1977.

you may know some people from the same year. Mohammad Al-Rawi (Rahimaho-llah) and Nawzad Ismail (Radiologist, who was a very close friend of mine)

I have been in the UK since 1993.

Never been to Iraq since.

I am glad that I left Iraq and the injustices there (wastat, rashawee, bullying by anyone who thinks that they have any power upon your soul...etc)

I do not miss that.

Work is very tough in the UK and there are 200 applications for every single job as a doctor.

I have struggled considerably and finally I have secured a comfy job as an Orthopaedic Consultant within an hour drive from my home.

No much prospects for my fellow Iraqis in the UK if you want to start from scratch.

My advice for anyone contemplating the UK...avoid!

Cheers

Mohammed

هلووووو للكل
صارلي فترة طويلة ما داخلة للفورم
شكرا لؤي على الموضوع الحلو
اتصور اي مستقبل خارج العراق هو احسن بكثير من البقاء بالعراق
لان اذا بقيت بالعراق كلشئ ما راح تتعلم وحتى لو تعلمت بالاقامة الدورية راح تلاحض كلمن يحجي شكل ويعالج شكل والمقيم الدوري تقدر تسميه معين دوري يدزوا روح وتعال واكتب طبلة ومحد يعلم الا انت تعلم نفسك انا دا احجي عن مستشفى تعليمي الي بيها انا هيي تععلم كم شغلة بس وهذا خطا لان محد يمشي بكلام الثيوري يمشون بكيفهم السينيرية والمقيميين
والحلو بالموضوع انت اذا ورة ماخلصت الاقامة الدورية محد راح ينطيك خلاصة خدمة يعني كل شئ ما راح تستفاد
ف انا اشوف الدراسة بالخارج شئ ضروري واذا توفرت فيزا شكو بيها الواحد يروح ويشوف عالم جديد ويتعلم منهم الشغلات الزينة ويتطور
انا اشوف الحياة بالعراق تعب في تعب وماكو مستقبل الا بس ل اهل الواسطة
اني لو توفرت الي الوثيقة مال التخرج الي صارلنا 9 اشهر متخرجين ولسة الوثيقة ماطلعت وفيزا اكيد راح اترك كل شئ على الاقل احس انه اني حاولت احس ما اضل اقول ياريتي حاولت
ويضيع عمري ببلاش بمستشفيات العراق الفاشلة
شكرا

واللهي الموضوع كلش حلو وبيه فكرة حلوه
اني رح اتكلم عن نفسي كوني اني هسه عايشه خارج العراق ومريت بتجربه الغربه وهل السوالف
اكذب واكول انه اني عندي حنيه كبيره للعراق بلوقت الحالي ,كوني عفت العراق من شي 4 سنين
ومقيمه حاليا بغير دولة وادرس بسوريا , يعني صرت احس سوريا بلدي اكثر من العراق
دوله عربيه واكدر اطب واطلع وامارس بيهه حياة اي شخص عادي تحت ظروف امنيه عاديه
كنا مفتقرين الهه ببغداد يعني اني هسه لوحدي هنا واعتمدت على روحي وحسيت بقيمة كلشي اسويه ,هسه كمت اقدر شنو معنى
الحياة وشنو تعب الحياة مو مثل مكنت ببغداد كلشي كان يجيني على طبق من فضى دون مااتعب ولا يطرفلي رمش ,,
بس بعد كل هذا بقى عندي حنين للرجوع وباقي شي بداخلي ناقص وادري كلش زين هذا
الشي الناقص هو موطني .
اما عن الشهادة فبصراحه افضل اخذها من غير دولة تكون معترف بيها ومتعوب عليهه
يعني اني بكليه طب بغداد كانت دراستنه تضحك , ماكو محاضرات مقضيهه كله بلكافتريا
وبنهايه الدوام نروح لابو نور ناخذ من عنده كوومه محاضرات ونروح نراكمهه بلبيت لحد موعد
الامتحان ,الطب غير شكل ينرادله تعب وعملي وحضور
بس بلنهايه يعجبني بعد ماخذ شهادة واتخصص ويصير عندي خبرة انه ارجع واسوي شي لبلدي
يعني احب انه افيد اهلي وناسي احسن ما ان افيد غير بلد , يعني مثلا بريطانيا معتمدين كليا على
المغتربين الدكاترة من العرب والباكستانيين والهنود لان يعرفونه احنه بلسريريات والتشخيص كلش زينين
وهمه مبدعين بلاجهزة.
عوفك عن رفاهية المشافي هناك, من تدخل ستشفى تحس روحك دخلت غير عالم مو مستشفى ,االواحد ميحس بشعور بشع
مثل ما يدخل على مستشفياتنا ويحس خلاص من دخل مستشفى هذه نهاية العالم . احنه ينراد النا عشرررررررررررررات السنين على مود نوصل للي وصلوله همه ومشكلتنه مدتنشتغل .مستسلمين للامر الواقع مع الاسف.

بس ارجع واكول
الي ماعنده خير لبلده ماله خير لغيره,, بلدنه مهما جرى علينه مفروض احنه منجرى عليه يعني اذا كل الاطباء عافو العراق
من رح يداوي اهلي واهلكم ؟؟؟؟ انشاءلله يارب تتحسن الامور وكلنه نرجع وكلنه نصير ايد بايد ونعمر بغدادنا .

Iraq is lovely.

The problem is in not in Iraq. It is in the Iraqis. Some of them at least.

It is very easy to start preaching the others on how important it is to support your beloved country, share in building the motherland and cure the sick.

I am sorry, but I am a human being who has a family.

Regarding my family, children and their future, I am 100% SELFISH!!!

I do not care what the others think if they do not like what I say.

At least I am honest!

I do not want to go back to Iraq and "SHARE IN RE_BUILDING THE PARADISE" until I feel that my family will be
1- Safe and Secure.
2- Living comfortably, with no silly electric power cuts, silly salaries that will be enough to feed them bread and onions only.
3- Failing education system.
And all the rest of it.
There are plenty of people in Iraq and everywhere, who preach the others how they should behave. But, they do not follow what the do preach.

They tell us: “do what I say, not what I do!”

Another reason why I thank goodness I was able to establish myself and my family away from Iraq.

You will see me coming back to Iraq like a shot as soon as it becomes better for me and my family than England. My life, my family’s life, my family’s livelihood are my top priority. THEN, comes my country.

You may call me selfish, and you know what? You are right, because I am, selfish!

Dr. Mohammed..

I totally agree with you .. and IAM SELFISH too for that matters.. sometimes I do think about Iraq and wonder If all of us decided to leave it who will rebuilt it and help those who are in need but then I think of myself and mylife and the things I had witnessed in the three wars in the 26 years of my life , I say to myself I deserve to LIVE with all the meanings of this word ,I just simply want to live with no fears of tomorrow.. or in Iraq's situation of today!!!
I always belive in this saying though it my sound unrelated but it also means one's right in prosperity , safe living ... etc it goes like :..

الفقر في الوطن غربه والغنى في الغربه وطن