هلو شباب شلونكم؟
شكرا جزيلا د.نبيل على ملاحظاتك الحلوة وانشاء الله اني فد يوم امرلك للطابق حتى تحجيلي

سؤال اخر: منو عنده او يعرف الروتيشن مال مستشفيات الكرخ والرصافة؟ واحنا نختارها لو التوزيع عشوائي؟

مرحبا شباب
شلون الاحوال
بالنسبة للروتيشن مال الكرخ عندك سنترين
سنتر اليرموك وسنتر الكاظمية وذني روتتهن كاملة يعني بيهن كل الكورسات بالنسبة للمعدلات العالية..

اماباقي المستشفيات بالكرخ فعندك الكرخ واطفال الكاظمية والطفل المركزي والشهيد الحكيم والكرامةوالكرخ للولادة
وذني الروتة عليهن حسب الكورسات وهم تتبع المعدل والتقديم عل المستشفيات يعني ممكن تداوم باكثر من مستشفى بضمنهة السنتر..

اما بالنسبة للرصافة فاللي اعرفه انه روتة ابن النفيس والعلوية احسن وحدة وباقي المستشفيات عدهم الكندي والامام علي وابن البلدي كمال السامرائي..
وهم روتتهة تتبع نفس السستم..
اما نصيحتي فهية ان تختار الدوام بسنتر مناسب لسكنك ودوامه مرتب اذا كان معدلك مناسب وبالنسبة لباقي المستشفيات اللي مو بالسناتر واللي اني داداوم بيهة حاليا فتستفاد انه انت (كلشي تكدر تسوي هناك وتشتغل حتى شغل اهل البورد وخصة بالجراحة والباطنية ر فيصيرلك مجال تتعلم زين اذا الك واهس..
اما الشي اللي يضوج شوية هو انه انت تحتاج تسأل مرات بس الثيوري
قليل فتتعلم تعتمد على نفسك وتقرة وحدك وبجميع الاحوال الاقامة حلوة بس تعب وانشاء الله الموفقية للكل وشتحتاجون احنة موجودين انشاء الله..
اخوكم
د.حيدر جليل

تسلم دكتور

انته شسامع او انته ياهو تفضل ودوامها احسن
الكاظميه لو اليرموك؟؟

حبي دكتور لؤي
السنترين ثنينهن زينات بس دوام الكاظمية اعتقد متعب اكثر شوية..
عدا انه كل الاطباء بيهة كلهم تقريبا من خريجي النهرين يعني دوام اليرموك احلى وانت براحتك..

امنياتي

thanks dr.6aydar for your valuable advice

عيني دكتور حيدر تعبناك ويانة تسلم يا وردة

you are both welcomed
and am here if u need any thing..

take care..