جبت كلشي و عفت كلشي .. ومدري شلون جيتك أمشي !؟
إجيتك وردت أگلك شوف .. ردنا نعوف كلشي وما گدرنا نعوف
إجيتك وردت أگلك شوف .. كون تشوف حالي شگد إلك ملهوف
جبت كلشي اليسولف بيك .. خيالي , وصحوتي , وطيوف
جبت دگات گلبي .. إلگطعن گلبي بجفاك چنهن سيوف
جبت صفنات روحي إلصفنن روحي .. مثل جن بمسية وعاليتيمة يحوف
وكون تشوف بشفافي الحزن ما خله بسمة تعيش .. كلمن گمت أبوسه بخده اطبع اوف
وكون تشوف دموعي ما تدري وين تروح .. والخطوات عمية وتايهه بلا شوف
وكون تشوف خلصت الوجوه وشفت كل الناس .. كلها وجوه غربة ولا وجه معروف
وين ألگاك ؟؟ , وين ألگاك ؟؟ .. يالموصوف إليه وانه إلك موصوف
يالفرگاك غربه .. وكلشي ما مألوف
انه بلياك مدري شبيه ما بيه ؟ .. زلف وبلايه ترجيه
درب ما بيه كل جيه , نهر فاض وتبع ميه .. رجع بس ما لكله جروف
وكون تشوف روحي شخله بيها الخوف
روحي مطلوبة نذر وتخاف .. ما توصل حضرتك ومن بعيد تطوف
مثل دم العروس الجاية على أغراب .. ويصبر عليها وجابها الزافوف
مثل حلة مدارس روحي أحسها أطفال .. حلت وتركتني وباقي بس صفوف
ويا وحشة صفوفي من يجيني الليل .. ويا لون الوجه بعدك تظل مخطوف
ويا قسوة ظنوني الما تريد أرتاح .. وانه الصاير أسير وبيدهن مچتوف
كون ألگاك , وين ألگاك وأشكيلك .. على روحي اللگت الغشمة بيها تروف
وين ألگاك وأشكيلك .. وأسوي خدودي صبورة ودمعتي حروف
وكون تشوف بكتاب السنين إنحذف كلشي الچان .. بس إسمك لكيته باقي ما محذوف
وأذكرك من مسحت دموعي بآخر يوم .. لهسه أحس بخدودي طبع چفوف
وكون تشوف عيوني تصير مضيف وكت النوم .. وتتمنى بالحلم تجينه ضيوف
وكون تشوف حالي شگد إلك ملهوف
وكون تشوف حالي شگد إلك ملهوف
إجيتك وردت أگلك شوف .. ردنا نعوف كلشي وما گدرنا نعوف
إجيتك وردت أگلك شوف .. كون تشوف حالي شگد إلك ملهوف
جبت كلشي اليسولف بيك .. خيالي , وصحوتي , وطيوف
جبت دگات گلبي .. إلگطعن گلبي بجفاك چنهن سيوف
جبت صفنات روحي إلصفنن روحي .. مثل جن بمسية وعاليتيمة يحوف
وكون تشوف بشفافي الحزن ما خله بسمة تعيش .. كلمن گمت أبوسه بخده اطبع اوف
وكون تشوف دموعي ما تدري وين تروح .. والخطوات عمية وتايهه بلا شوف
وكون تشوف خلصت الوجوه وشفت كل الناس .. كلها وجوه غربة ولا وجه معروف
وين ألگاك ؟؟ , وين ألگاك ؟؟ .. يالموصوف إليه وانه إلك موصوف
يالفرگاك غربه .. وكلشي ما مألوف
انه بلياك مدري شبيه ما بيه ؟ .. زلف وبلايه ترجيه
درب ما بيه كل جيه , نهر فاض وتبع ميه .. رجع بس ما لكله جروف
وكون تشوف روحي شخله بيها الخوف
روحي مطلوبة نذر وتخاف .. ما توصل حضرتك ومن بعيد تطوف
مثل دم العروس الجاية على أغراب .. ويصبر عليها وجابها الزافوف
مثل حلة مدارس روحي أحسها أطفال .. حلت وتركتني وباقي بس صفوف
ويا وحشة صفوفي من يجيني الليل .. ويا لون الوجه بعدك تظل مخطوف
ويا قسوة ظنوني الما تريد أرتاح .. وانه الصاير أسير وبيدهن مچتوف
كون ألگاك , وين ألگاك وأشكيلك .. على روحي اللگت الغشمة بيها تروف
وين ألگاك وأشكيلك .. وأسوي خدودي صبورة ودمعتي حروف
وكون تشوف بكتاب السنين إنحذف كلشي الچان .. بس إسمك لكيته باقي ما محذوف
وأذكرك من مسحت دموعي بآخر يوم .. لهسه أحس بخدودي طبع چفوف
وكون تشوف عيوني تصير مضيف وكت النوم .. وتتمنى بالحلم تجينه ضيوف
وكون تشوف حالي شگد إلك ملهوف
وكون تشوف حالي شگد إلك ملهوف