بحلاة إللي تحبه گبل ميروح .. بحلاة آخر نفس من تگضي الأنفاس
وحلاة العيد أول يوم بالعيد .. وحلاتك من تجيني أول الناس
أفك ريگي بصباح الخير يا فلان .. وصباح النور منك تاج عالراس
تعال وجيب خدك وإكتل الليل .. وگبل خدك ضوه خدودك الينباس
تعال شعطلك ما جيتني شبيك ؟ .. أريدن بيك أفوز وأرفع الكاس
تعال وإغلط وياي وإنته معذور .. مو انه الأعذرك إنته إللي تعذر
حتى صيامي يفرق عن الإسلام .. حسب جيتك يجوز يطول أشهر
تعال ومر علي حتى لو رمضان .. أشوفك عيد گبل العيد وأفطر
وحتى السما من تحن عالگاع .. تظل تبچي ومطر عالگاع تمطر
تعال شعطلك ما جيتني شبيك ؟ .. انه وبيتنه وشارعنا ننطر
كل ساعة أطلع أسمع صوت عالباب .. أثاري الباب ظل بروحه يسطر
أثاري الباب ظل بروحه يسطر
وحلاة العيد أول يوم بالعيد .. وحلاتك من تجيني أول الناس
أفك ريگي بصباح الخير يا فلان .. وصباح النور منك تاج عالراس
تعال وجيب خدك وإكتل الليل .. وگبل خدك ضوه خدودك الينباس
تعال شعطلك ما جيتني شبيك ؟ .. أريدن بيك أفوز وأرفع الكاس
تعال وإغلط وياي وإنته معذور .. مو انه الأعذرك إنته إللي تعذر
حتى صيامي يفرق عن الإسلام .. حسب جيتك يجوز يطول أشهر
تعال ومر علي حتى لو رمضان .. أشوفك عيد گبل العيد وأفطر
وحتى السما من تحن عالگاع .. تظل تبچي ومطر عالگاع تمطر
تعال شعطلك ما جيتني شبيك ؟ .. انه وبيتنه وشارعنا ننطر
كل ساعة أطلع أسمع صوت عالباب .. أثاري الباب ظل بروحه يسطر
أثاري الباب ظل بروحه يسطر