لأنك بإلتزامك مو من أهلك
أخاف تشيل دمي مو من أهلك
منو بگدي يحبك مو من أهلك
منو بگدي يحبك من عشرتك
وتمنى يصير إصبع من عشرتك
وانه شحصلت خايب من عشرتك
أعد بأيام عشرتنه وهي جروح
وأحس ويه النفس يطلع وهج روح
وأخيرا گتلي ودعني وأهج روح
أروحن وين ؟؟ ما أگدر هوه إنته
وانه الما هان من أجلك هونته
إلي بدنياي شي واحد هو إنته
وحرت بين التركته وإنتبعته
انه الونيت و الون ون تبعته
ما باعك حبيبك وإنته بعته
حبيبك باع عمره وإشتراك بيه
وحزن گلبي على حزنك وإشترك بيه
بعد شدوس گلبي وإشترك بيه
جبل حبك وإتگلگل من تگل بيه
ويا دنيا شما دفعتي لن تگلبي
وإذا تنسى يا گلبي لا إنته گلبي
ولا أريدك بعد وبصدري أحملك
وحبيبي شلون ترضى بصدري أحملك
إذا حملك يتعبك صدري أحملك
إلي وروح الأرض شگد دوه إلها
وتداوي الداء لو بالمخ دوه إلها
بس العين ما يحصل دوه إلها
دواها العين خلها من تقر بيه
وتصب كلما تشوفك منته قربي
ولك شيصير حبك من تقر بيه
وتحبني إنته يقين بصدري مو شك
الف شوكه السكون بصدري مو شك
إنذبح گلبي وتشضه بصد رموشك
وعرف محد يدفنه وشي دفن شي
وعگب صدره المواگد شي دفن شي
كفر من رسم غيرك شيدفنشي
وأظن للجنة يدخل من يرسمك
وحبيبك يسمح إسمه من يرسمك
بسمك حبي جمالك من يرسمك
وانه الليل بعيونك شفتك أحلى
وشفت شمس الأصيل وشفتك أحلى
العسل من ضگته گلك شفتك أحلى
إذن لو من شفاهك بستك أشفه
إذا إنته المات يعدل بس تكشفه
شتظن حبك يضعفك بس تكشفه
وعلي تخفي إهتمامك وإكتراثك
وانه المن مات گلبي وك تراثك
وك نسيت الحب الأول وك تراثك
صدگ هسه ينسى تراثه هسه جيلك
وتشوف زواج عيني هسه أجيلك
وأنادي وما تگلي هسه أجيلك
صحتلك (يا) وصارت كبرى يائي
وإذا رائيت بالشر كبريائي
حبيبي شلون تجرح كبريائي
وتذلني گبال كل ناسك وناسي
وبقيت بصحره شاتلني وناسي
ناس تگول لا تسكت وناسي
لأن كلش مذلتي لاگتلهم
وجبل حبي المقدس لا كتلهم
گالوا حيل ذلّـك (لا) گتلهم
عنايه إحتاج گلبه وجاي أعانيه
وخفيت شكثر منك جاي أعاني
تمرمرني من أزورك جايع اني
شكثر ندمان چي بيتك عتبته
وعرفني الباب من دگته وعتبته
عتابي وياك چيف أحبك عتبته
گلبي شلون يمهم وك كسرته
أسير وذل شجاك وكسرته
گبل چانت إسرتك وك إسرته
إسرتك هسه سمتني الضحيه
أخاف تشيل دمي مو من أهلك
منو بگدي يحبك مو من أهلك
منو بگدي يحبك من عشرتك
وتمنى يصير إصبع من عشرتك
وانه شحصلت خايب من عشرتك
أعد بأيام عشرتنه وهي جروح
وأحس ويه النفس يطلع وهج روح
وأخيرا گتلي ودعني وأهج روح
أروحن وين ؟؟ ما أگدر هوه إنته
وانه الما هان من أجلك هونته
إلي بدنياي شي واحد هو إنته
وحرت بين التركته وإنتبعته
انه الونيت و الون ون تبعته
ما باعك حبيبك وإنته بعته
حبيبك باع عمره وإشتراك بيه
وحزن گلبي على حزنك وإشترك بيه
بعد شدوس گلبي وإشترك بيه
جبل حبك وإتگلگل من تگل بيه
ويا دنيا شما دفعتي لن تگلبي
وإذا تنسى يا گلبي لا إنته گلبي
ولا أريدك بعد وبصدري أحملك
وحبيبي شلون ترضى بصدري أحملك
إذا حملك يتعبك صدري أحملك
إلي وروح الأرض شگد دوه إلها
وتداوي الداء لو بالمخ دوه إلها
بس العين ما يحصل دوه إلها
دواها العين خلها من تقر بيه
وتصب كلما تشوفك منته قربي
ولك شيصير حبك من تقر بيه
وتحبني إنته يقين بصدري مو شك
الف شوكه السكون بصدري مو شك
إنذبح گلبي وتشضه بصد رموشك
وعرف محد يدفنه وشي دفن شي
وعگب صدره المواگد شي دفن شي
كفر من رسم غيرك شيدفنشي
وأظن للجنة يدخل من يرسمك
وحبيبك يسمح إسمه من يرسمك
بسمك حبي جمالك من يرسمك
وانه الليل بعيونك شفتك أحلى
وشفت شمس الأصيل وشفتك أحلى
العسل من ضگته گلك شفتك أحلى
إذن لو من شفاهك بستك أشفه
إذا إنته المات يعدل بس تكشفه
شتظن حبك يضعفك بس تكشفه
وعلي تخفي إهتمامك وإكتراثك
وانه المن مات گلبي وك تراثك
وك نسيت الحب الأول وك تراثك
صدگ هسه ينسى تراثه هسه جيلك
وتشوف زواج عيني هسه أجيلك
وأنادي وما تگلي هسه أجيلك
صحتلك (يا) وصارت كبرى يائي
وإذا رائيت بالشر كبريائي
حبيبي شلون تجرح كبريائي
وتذلني گبال كل ناسك وناسي
وبقيت بصحره شاتلني وناسي
ناس تگول لا تسكت وناسي
لأن كلش مذلتي لاگتلهم
وجبل حبي المقدس لا كتلهم
گالوا حيل ذلّـك (لا) گتلهم
عنايه إحتاج گلبه وجاي أعانيه
وخفيت شكثر منك جاي أعاني
تمرمرني من أزورك جايع اني
شكثر ندمان چي بيتك عتبته
وعرفني الباب من دگته وعتبته
عتابي وياك چيف أحبك عتبته
گلبي شلون يمهم وك كسرته
أسير وذل شجاك وكسرته
گبل چانت إسرتك وك إسرته
إسرتك هسه سمتني الضحيه