مبروك يا حبيبي .. اليوم سمعت هلاهل زفتك
وك دوم فرحان وإتدوم يا رب ما تطفي شمعتك
مبروك يا حبيبي ما تذكرت گلبي من لبست أبيض بدلتك
وك مبروك لا تنصدم وك هذا انه وأمسح دمعتك
اي هذا انه الـگـدامك الذاب بيك بكلمتك
لا تسكت وتحسس العالم بسكتك
جاي أهنيك وتاليها لغيري صارت رگصـتك
إشفافي تشرب من دموعي وإنته العلى شفافك بسمتك
خليني أودع وجهك وروحك وأرسم على گـلبي ضحكتك
لا تتعجب إتباوع بعين الغريب , أدريها العبره خنـگـتك
ولا تخليك واهن , هذا العاشـگ الحبك إنته
وبمشيتك اي هذا انه , التحسر والدمعه تهوه همّتك
انه الـچـنت عايش بين حضنك وجوه فيّ خيمتك
وك ليش !؟؟ هيـچي تسوي بالباع هله وناسه وإشتراك انته !؟
تـگـلي أحبك !! , وذيـچ هي تلمع بإيدك حلقتك !!؟
ما چنت أظن تنكر الماي وترابه وانه وردتك
وك صرت مخدوع وغشيم ومصدگ بكلمتك
ليش ؟؟ هاي جزاة گلبي وجزاة عيوني الضمتك !؟
انه الـچنت أحيا بحياتك وأموت بموتتك
انه الـچنت أضحكك وأبجيك وأرتاح من أسمع ضحكتك
وك واهم چنت كل الوهم وصدگت بوعدك وبكلمتك
مبروك يا حبيبي , بصراحه حلوة البدله عليك وزادت روعتك
أحس بحشاي مثل السيف من تعزف فرقتك
أفطر الصخر بحسرتي وأدريها دموع عيني الهدمتك
وك اي هذا انه اللي حبك دوم وأبد ما يحب غيرك بعد زفتك
وك اي هذا انه اللي حبك دوم وأبد ما يحب غيرك بعد زفتك
وك دوم فرحان وإتدوم يا رب ما تطفي شمعتك
مبروك يا حبيبي ما تذكرت گلبي من لبست أبيض بدلتك
وك مبروك لا تنصدم وك هذا انه وأمسح دمعتك
اي هذا انه الـگـدامك الذاب بيك بكلمتك
لا تسكت وتحسس العالم بسكتك
جاي أهنيك وتاليها لغيري صارت رگصـتك
إشفافي تشرب من دموعي وإنته العلى شفافك بسمتك
خليني أودع وجهك وروحك وأرسم على گـلبي ضحكتك
لا تتعجب إتباوع بعين الغريب , أدريها العبره خنـگـتك
ولا تخليك واهن , هذا العاشـگ الحبك إنته
وبمشيتك اي هذا انه , التحسر والدمعه تهوه همّتك
انه الـچـنت عايش بين حضنك وجوه فيّ خيمتك
وك ليش !؟؟ هيـچي تسوي بالباع هله وناسه وإشتراك انته !؟
تـگـلي أحبك !! , وذيـچ هي تلمع بإيدك حلقتك !!؟
ما چنت أظن تنكر الماي وترابه وانه وردتك
وك صرت مخدوع وغشيم ومصدگ بكلمتك
ليش ؟؟ هاي جزاة گلبي وجزاة عيوني الضمتك !؟
انه الـچنت أحيا بحياتك وأموت بموتتك
انه الـچنت أضحكك وأبجيك وأرتاح من أسمع ضحكتك
وك واهم چنت كل الوهم وصدگت بوعدك وبكلمتك
مبروك يا حبيبي , بصراحه حلوة البدله عليك وزادت روعتك
أحس بحشاي مثل السيف من تعزف فرقتك
أفطر الصخر بحسرتي وأدريها دموع عيني الهدمتك
وك اي هذا انه اللي حبك دوم وأبد ما يحب غيرك بعد زفتك
وك اي هذا انه اللي حبك دوم وأبد ما يحب غيرك بعد زفتك