السلام عليكم
هذة نسخة الاعلان عن فتح التعيين في دائرة صحة الرصافة و فيها المستمسكات المطلوبة
منو يعرف شنو يعني استمارة التوزيع؟
و اذا عدكم معلومات عن دائرة صحة الكرخ.....نورونة


هاي الورقة انطتلياها احدى زميلاتنا العزيزات ....لتنسونها بدعائكم

ألف شكر علي الك والها
بس صدك شنو يعني استمارة التوزيع؟وشنو يعني كتاب تأييد استمرار الخدمة؟اذا ماعندي احد مستمر بالخدمة شلون؟


وشكرا مرة لخ

السلام عليكم
شبابنا الاعزاء
استمارة التعيين هية الاستمارة اللي بيهة اسماء المستشفيات بالنسبة لدوائر الصحة
يعني دائرة صحة الرصافة استمارتهة لهاي السنة بيهة مستشفيات وبشكل روتات كاملة فعدكم
روتة ابن النفيس (للباطنية والجراحة)ووياهة العلوية (اطفال ونسائية)
واكو روتة الكندي ومستشفى فاطمة الزهراء(ع)
وروتة التعمان بيهة كل الكورسات الاربعة الميجرات
وروتة الامام علي (ع)او الشهيد الصدر ووياهة كمال السامرائئ للنسائية
وروتة الزعفرانية وابن البلدي
واكو روتة ماينرات للسنة الثانية وهاي مو مهمة بكد السنة الاولى..
اما بالنسبة للكرخ فبعدني مشايف الاستمارة بس العام الفات كانت كورسات زائد مستشفيات سوية
يعني اكو روتة
الكاظمية التعليمي كاملة
وروتة اليرموك والاسكان للاطفال
وروتة اطفال الكاظمية وابن البيطار والنور
وروتة الكرخ والاسكان وابن البيطار
وروتة الكرامة والاسكان
وروتة الكرامة واليرموك..يعني عدا السناتر التعليمية (اول اثنين) الباقي كله يتبع المعدل والاختيار والموقع الجغرافي والمنافسةومننسى محبوب الشعب(الواسطات)
بقت شغلة لخ امكانية النقل موجودة بين المستشفيات بشرط ان تجيب بديل الك من المستشفى اللي تريد تنقل اله خصة ورة اول كورس النقل يصير اسهل واكو فائدة القاعدة الزوجية تفيد بسحب الزوجة لمكان اقرب للزوج مو شرط نفس المستشفى بس تفيد تجيبهة لبغداد اذا طلع توزيعهة محافظات والزوج بغداد..
امنياتي للكل بالموفقية وشتحتاجون نحن السابقون وانتم اللاحقون

يعني ماكو روتة كلش ثابتة

السلام عليكم
شبابنا الاعزاء
استمارة التعيين هية الاستمارة اللي بيهة اسماء المستشفيات بالنسبة لدوائر الصحة
يعني دائرة صحة الرصافة استمارتهة لهاي السنة بيهة مستشفيات وبشكل روتات كاملة فعدكم
روتة ابن النفيس (للباطنية والجراحة)ووياهة العلوية (اطفال ونسائية)
واكو روتة الكندي ومستشفى فاطمة الزهراء(ع)
وروتة التعمان بيهة كل الكورسات الاربعة الميجرات
وروتة الامام علي (ع)او الشهيد الصدر ووياهة كمال السامرائئ للنسائية
وروتة الزعفرانية وابن البلدي
واكو روتة ماينرات للسنة الثانية وهاي مو مهمة بكد السنة الاولى..
اما بالنسبة للكرخ فبعدني مشايف الاستمارة بس العام الفات كانت كورسات زائد مستشفيات سوية
يعني اكو روتة
الكاظمية التعليمي كاملة
وروتة اليرموك والاسكان للاطفال
وروتة اطفال الكاظمية وابن البيطار والنور
وروتة الكرخ والاسكان وابن البيطار
وروتة الكرامة والاسكان
وروتة الكرامة واليرموك..يعني عدا السناتر التعليمية (اول اثنين) الباقي كله يتبع المعدل والاختيار والموقع الجغرافي والمنافسةومننسى محبوب الشعب(الواسطات)
بقت شغلة لخ امكانية النقل موجودة بين المستشفيات بشرط ان تجيب بديل الك من المستشفى اللي تريد تنقل اله خصة ورة اول كورس النقل يصير اسهل واكو فائدة القاعدة الزوجية تفيد بسحب الزوجة لمكان اقرب للزوج مو شرط نفس المستشفى بس تفيد تجيبهة لبغداد اذا طلع توزيعهة محافظات والزوج بغداد..
امنياتي للكل بالموفقية وشتحتاجون نحن السابقون وانتم اللاحقون

السلام عليكم
ممنونين علي على الاعلان وانشالله كل الزملاء يحصلون تعيين يناسبهم يارب

دكتور حيدر

شنو المقصود بعدا اول ثنين يعني مابيها تعيين او التعيين حيكون على يا اساس؟.
رجاء اللي يعرف شي عن التعيين بصحه الكرخ يفيدنه وشكر جزيلا
noor th.noori

اكو بس معلومة اريد اضيفهة وهي انه مدينة الطب راح يخصصولهة 20 مقعد حصرا وهاي المقاعد صلاحية الوزير فقط


نصيحتي ابعدو عن مدينة الطب .....اللي صدك يفتهم يدور على مستشفى مابيهة كراب.....هاي نصيحتي .....لو اعرف شي عن المستشفيات البقية جان حجيت بس بالنسبة لمدينة الطب لاتجون يمها ترة عذاب عالخالي بلاش

إي والله ديرو بالكم تجون ترة تكون غلطه تدفعون ثمنهه سنتين من عمركم
وتكرهون كل شي اسمه طب

وبالتوفيق للجميع

تحياتي

Samer S. al-Obaidi,M.D.

الله يساعدكم ياشباب
رح أعيد نصيحة نبيل وسامر ونصيحتي اللي دائما أكولها" اللي يريد يتعلم يتعلم حتى لو يدوام بالأهوار" فغلسوا على المستشفيات التعليمية لأن بس تعب وشلعان كلب ودوام كومة
بينما تكدرون تروحون مستشفيات مو تعليمية وتقرون وتتعلمون اذا عدكم واهس
والمحصلة تره المريض نفس المريض والامكانات بالمستشفيات تقريبا نفس الشي والراتب هم نفس الشي وبقت يمكم بعد

سلامي

شكرا حيدر ,نبيل,سامر,زيد على الملاحظات

يكولون استمارة التوزيع الغت...بس ما اعرف اشون يوزعونة على المستشفيات

هاي استمارة التوزيع مال رصافة ...

البارحة رحت لالادارة العامة مال مدينة الطب دا استفسر اكو صدك شغلة عشرين مقعد طلع ماكو هيجي شي لحد هاي اللحظة و ليهسة كلشي مجاي من الوزارة لالادارة مال مدينة الطب

اني جنت كلش رايد المدينة بس بعد ماكو هاي المستشفى و من حجيكم يا دكاترتنا بان هي متعبة و بدون فائدة فعسى ان تكرهوا شيئا فهو خير لكم

بس الله يستر من اي خربطة بالتعيين اتصير الي اهواية ناس حيتاذون من وراه و من الواسطات الهواية الي بس نسمع بيها بالكلية

اكو فيكة جديدة يكولون يوم 14/12 اكو دورة تدريبية للمقدمين على دوائر الصحة
يعني ورة العيد
زين هي الحيرة والدوخة وين حنقدم ؟ جم دائرة صحة نقدم ؟
بالنسبة للدورة التدريبية وين نروح ما ادري والله شلون
خصوصا يعني الي احتمال مينقبل ابغداد
وحتصير اجتهادات بكيف دوائر الصحة
يعني هنيالة الي يحصلة واسطة زينة
وبالتوفيق للجميع انشالة
good luck

هي هي من هسة كامت تطلع الفيكات......شكرا حسام
بس معرفت وين هاي الدورة بالمدينة لو حسب مكان التعيين؟
اذا عندك معلومات لتبخل علينة

هلو شباب
اذا هي هاي نفس الدورة اللي دتحجون عليهه
اللي احنه دخلناهه
فهاي دورة طوارئ
وتكون على مرحلتين
1st is the Basic life support
2nd is the ATLS ( advanced traumatic life support ).

ومكانهه بقاعة الشهيد درب بمدينة الطب و على مدى يومين
من التسعه الصبح فد للوحده او للثنتين
بس عدكم بريك 45 دقيقه

واذا مو هي نفس الدورة فبعد ما اعرف
واتمنالكم الموفقيه

تحياتي
سامر

مساء الخير
اني اللي سمعتة انو هاي الدورة مو هسة وانما بشباط ورا متطلع الاسماء..مدتها 3 اسابيع...انتو متأكدين انو هسة الدورة؟؟؟

اول شي احب اكللكم عيد سعيد وكل عام وانتوا بالف خير وانشالله يارب احسن دكاتره واحسن تعيين وبمانه جينا على سيره التعين فحبيت اكللكم انه اجه كتاب انه وره العيد رح يستدعون كل خرييجين كليات الطب لهاي السنه حتى يحضرون بقاعه المؤتمرات علمود يسلموهم استماره التوزيع ويثبتون اختياراتهم لان التوزيع رح يصير على اساس المعدل والرغبه وشي اكيد اكو واسطات بس المهم انه همه يوزعوكم فلتشيلون هم انشالله وتره مصدري موثوق بالوزاره وعلى الرغم اني بعدني مرحله خامسه بس دائما اتابع اخبار التعينات مالتكم ودائما استفسر واليوم من استفسرت كالولي هدا الحجي ,,وبالنسبه لمدينه الطب فخصصولها 70مقعد لخريجي هدا العام لان ادري هوايه منكم يرغبون للمدينه وتحياتي للكل