صحيح حسام حجيك

جان الاعلان بالعراقية يخص خريجي الصيدلة و الاسنان و التمريض و كليات التقنية الطبية و ما يخص خريجي الطب

و الظاهر يا ريام و انتي مشكورة طبعا بان مفتهمة الخبر الي وصلج غلط لان اني هم قدمت و خلصت شغلي جان كلولي دائرة صحة الرصافة روح عالوزارة اذا التعيين صدك مركزي

و ترى الكل دايخة هلكد ما طلعت اشاعات
و اني امر التعيين قريتة ابعيني و جبتة من الوزارة و مكتوب بيه التعيين ابغداد فقط في دائرة صحة الرصافة و الكرخ اما مدينة الطب فالتعيين بيها باستثناء الوزير فقط يعني ماكو بيها تعيين نهائيا

مشكور ابو جاسم حبي

السلام عليكم
حبيت ابلغكم انه التعيين في دائرة صحة الكرخ انفتح البارحة
فالي ايحب يقدم يروح
التنافس بدائرة صحة الكرخ يختلف عن الرصافة لان بدائرة صحة الكرخ يعتمدون طريقة النقاط
يعني تحسب النقاط هيجي:


قسم تقديرك على عشرة
+
نقطتان اذا الاب او الام يعملون في وزارة الصحة
+
نقطتان اذا الاب او الام شهيد و يمكن الاخ
+
نقطتان اذا من سكنة الكرخ
+
نقطتان اذا ناجح من الدور الاول
+
نقطتان اذا اختاريت احدى المستشفيات التالية المحمودية او ابو غريب او الشهيد محمد باقر الحكيم
+
نقطتان اذا مزوج او مزوجة

و تجمع يطلعلك رقم
مثلا درجتك النهائية اذا 72 و انت من سكنة الكرخ من الدور الاول ناجح و ما عندك بقية الشروط يكون رقمك
7.2+2+2=11.2

تحياتي

بالتوفيق للجميع
استعجلوا وقدموا بسرعة حتى تباشرون
تره المستشفيات كلها محتاجة أطباء والبركة بيكم

تسلم علاوي

بس النظام مال دائرة صحة الكرخ مع الاسف مو عادل لان ما ناطي قيمة و اهمية للمعدل بحيث الي معدلة 60 يكدر يغلب واحد معدلة 79 بمجرد واحد من اهلة طبيب او شهيد او معدوم او متزوج او كلهة و يا مكثرهم و حتة شغلة الرقعة الجغرافية مثلا مستشفة الكرخ قريبة كلش عالرصافة بس عبرة جسر فاني اشوف ما بيها منطق او عدالة بالسالفة

تحياتي

صحيح حجيك محمد .....بس تدري شنوة الظلم الحقيقي بنظري......الواسطات!!!
يعني الواسطات تكدر ابو الخمسين تعينة بالمدينة حتلو سادين التعيين بيهة

الواسطات تفتح جميع الابواب في العراق

هاي استمارة التوزيع مال كرخ ...مو كلش واضحة بس تنقري

هلو
اليوم نزل اعلان ب صحة الكرخ يقول انه اخر موعد للتقديم هو 25 بالشهر
وانه لايجوز التقديم على دائرتين في نفس الوقت
والا يلغى القبول ب دا ئرة الكرخ
زين شون كلنا قدمنا رصافة وكرخ شنسوي اذا احد عندة معلومة ؟؟؟؟؟

اني من قدمت بالكرخ سألتهم قبل ما اطيهم الفايل يصير اقدم بالرصافة و الكرخ ....كلولي اييييييي يصيييير
شنو بدلو حجيهم!!!!!


زين ...اخر الاخبار تكول : التعيين بالحلة انسد و قبلو بس 40 واحد و حيبدون الاحد دورة و تنحسب بداية خدمة!!!!!!
و التعيين بكربلاء هم انسد

السلام عليكم

اني رحت لدائرة صحة الكرخ و سألت رئيس القوى العاملة الدكتور عباس
كلي اصلا اكو قرار بتعيين سكنة الرصافة بالرصافة و سكنة الكرخ بالكرخ يعني احتمال يسون فرز الفايلات حسب السكن و طبعا التنافس حسب المعدل بالنسبة للرصافة و حسب النقاط بالنسبة للكرخ
كلي اذا كنت من سكنة الكرخ و قدمت بالكرخ و الرصافة فميحتاج تسحب فايلك من الرصافة هسة بس انتظر من يطلع اسمك بدائرة صحة الكرخ روح للرصافة و اسحب الفايل وهاي السالفة ورة راس السنة انشاء الله

يا شباب ترة ماكو شي اكيد يعني مدير التخطيط د خضير من كتلة ليش مكتولنة كبل بشغلة ميصير نقدم تعيين بمكانين كلي احنا هسة اجانة هذا القرار

يعني يمكن كسع تطلع حجاية جديدة فأذا تعرفون شي بي فائدة كتبوا هنا بلزحمة حتى نستفاد

اني اليوم جنت بدائرة صحة الرصافة


ماكو هيج حجي


ويكولون ابو الكرخ معلينة بيه

والشغلة عالمعدل وبس ويعني حتة ابو المحافظات الة حق


اللي مقدم ال2 ويريد كرخ خلي يسحب فايلة من الرصافة لا ابو الكرخ يحذفة من الكرخ

كدامي 2 اليوم شكو التقديم مالتهم بالرصافة

يابة و شنو يعني اثنين غيرو رأيهم و شكو فايلاتهم طبعا حقهم يخافون مثل اي واحد و اني جنت اليوم وية يمكن بحدود عشرة من جماعتنة كلهم قلقين و خايفين لينحذف تقديمهم بس مثل مكلت شفنة
د.خضير و كلي اسحب تقديمك من الرصافة اذا تريد الكرخ
و د.عباس كلي اسحبة ورة ميطلع اسمك بالكرخ يعني راجع ورة راس السنة

والله حسام اني دا أنقلك كلام د.عباس بخصوص السكن و صراحة اني بعد ما اعرف المن اصدك يعني مثل مكتلك كسع تطلع حجاية

هي الامور وية الوكت ان شاء الله تتوضح اكثر

السلام عليكم شباب
شلونكم ؟؟؟ ان شاء الله بخير
اني صارلي فترة اتابع اخباركم والله يساعدكم على الدوخة هاي
والقرارات السريعة والمتغيرة

بس حبيت اسالكم اذا تعرفون شي على مدينة الطب ؟؟
لان اليوم كنت احجي ويه رئيس الاطباء المقيمين وكلي لحد الان ماكو اي شي
بخصوص المقيمين الجدد واحنا
إحتمال من سنة اللخ رح نروح تدرج ومنصير كرونك
ومن سالته على المقاعد اللي هي من صلاحيات الوزير فقط
فكال ماكو هيجي شي
وانو القرار ماكو مقيمين دوريين بالمدينة

فاتمنى اذا احد يعرف شي اكيد و مؤكد جدا
ليبخل علينة بلييز لان باقيلنة شهرين فقط ونصير كرونك او نروح تدرج

وشكرا مقدما و خالص تمنياتي للجميع بالموفقيه
والتعيين الي تريدوه ان شاء الله

أخوكم
د.سامر العبيدي

hiii
طلع سبتايتل بالعراقية يقول على المقدمين علة صحة بغداد الكرخ الحضور يوم الخميس ساعة 10 صباحا يوم 1 /1 ؟؟؟؟

hiii
طلع سبتايتل بالعراقية يقول على المقدمين علة صحة بغداد الكرخ الحضور يوم الخميس ساعة 10 صباحا يوم 1 /1 ؟؟؟؟

دكتور سامر ابخصوص مدينة الطب اني تابعت الموضوع و دائما اسال من الادارة العامة ووصلت لنتيجة حسب ما كلولي بان ماكو اقامة بمدينة الطب و علساس ديسوون بيها نظام داخلي جديد و الي هو الامور كلها بيد المقيمين الاقدمين بحيث ئيست منها ابصراحة

اما على المقاعد الي هي صلاحية الوزير حسب ما سمعنا لحد الان ماكو هيجي شي بس احتمال و الله اعلم ينطوها لالاطباء الي صاروا على وزارة التعليم يعني الاوائل بس هذا الحجي مو اكيد

اما بخصوص دائرة صحة الرصافة فماعدهم مانع على اي واحد سواء من سكنة الكرخ او المحافظات و ماكو اي دور للرقعة الجغرافية و هذا الحجي متاكد منة لان سالتة من التخطيط
و لحد هسة امقدمين على صحة الرصافة معدلاتهم سبعين و فوق 78 شخص حسب حجي التخطيط

اما الكرخ غير شكل و اهم شي الرقعة الجغرافية عدهم

يعني بين قوسين

الكرخ للكرخيين و الرصافة للجميع