التعيين غير المركزي

بالنسبة للدورة هي حسب المكان الي نتعين بي
اني بالنسبة الية قدمت بدائرة صحة كربلاء وكلولي تعال للدورة يوم الاحد الي ورة العيد
والدورة حسب ما سمعت عبارة عن محاظرات يحجوهة الدكاترة الموجودين بالمستشفى وشوية شغلات طوارئ

بس حبيت اسال ريام يعني حيلغي تقديمنة هسة؟

والله ياعيني مادري بالنسبه لتقديمكم رح ينلغي لو لا بس اني هدا اللي عرفته اليوم انه رح يجمعوكم كلكم بقاعه المؤتمرات ويسلموكم الاستمارات علمود تقدمون ومبقه شي انشالله يخلص هالاسبوع وانشالله يصير خير وتحياتي

شكرا يا ريام و عاشت ايدج

بس اريد اعرف بلا زحمة بان الشي الي سمعتيه يعني رجع التوزيع مركزي لو لا؟؟؟؟؟

و اذا لا و كل واحد امقدم على دائرة صحة يعني كل دائرة صحة و الها الدورة الخاصة بيها مو؟؟

و شكرا

شكرا ريام اذا عرفتي معلومات جديدة كلينة لان هسنة التقديم مو مثل كل سنة فنحتاج احد يفهمنة شنسوي و وين روح خاصة من مصدر موثوق لان الاشاعات هواية و محد يعرف الصدك من الكذب الا مصدر موثوق

يعني ابسط شي اكدر اكلج بأنه الكل افتهم انه المدينة متريد روترية جديدين هسنة و هسة انت دكوليين يريدون 70
اني بنفسي سألت وحدة بالقوة العاملة بوزارة الصحة كالتلي المدينة مابيهة تعيين هسنة
زين هسة اشون يعني لو المعلومات مدتوصلنة صحيحة لو كسع يغيرون القوانين!
ميصير احنة اخر من يعلم
ارجوك اي جديد وصلنيا .....

شكرا مرة اخرى

والله يادكتورنا العزيز اني من سالت كالولي هوه اصلا التعين المركزي منلغه وهاي كلها جانت اشاعات في اشاعات والاطباء كلهم رح يتعينون وبوكتها كتبتها بالموقع والبارحه من سالت كالولي التعين موجود ومنلغه ..وكود لاك فور اول

اعتقد معلومتج غلط وتخص الصيادلة

لان انلغة التعيين المركزي وبدو ناس يقدمون لدوائر الصحة

كلشي ماشي حسب الضوابط

رجاءا التاكد قبل تنزيل هيج مواضيع لان تعبنا

مساء الخير
اول شي كل عام وانتو بخير وان شاء الله الصحة والسلامة وتحقيق الاماني وكل واحد المكان اللي يتمنى يتعين بي ان شاء الله
ثاني شي..بلا زحمة عليج ريام تأكدي من الحجي اللي حجيتيه...لان ابسط مثال اني كدامج..رحت وقدمت وكملت كلشي...والتوزيع (لامركزي)وكلامي من مصدرموثوق بالوزارة والمدينة متريد ولا مقيم
الحجي اللي انتي دتكولي هو موجه لخريجي الاسنان والصيدلة واليوم جنت داحجي وية بنية بالاسنان وسولفتلي القصة قبل ماحجي اقرا هذا الحجي بالفوروم
شكرا الج لان مهتمو بموضوع التعيين...بس ترة الخريجين كلش داخو لان هواية صار حجي بالموضوع ومناقصين دوخة اكثر..

شكرا مرة لخ

مساء الخير
عزيزتي دكتوره ساره اني مكتبت الحجي اذا متاكدت منه لان ادري الخريجين دايخين بهل السالفه وحتى تتاكدين اكثر البارحه طلعوا سبتايتل بالتلفزيون على خريجي السنه من كليات الطب مراجعه الوزاره من 16_18بالشهر لغرض التعين وتواريخ اخرى لباقي كليات المجوعه الطبيه وتحياتي للكل

وعل العموم يازملائي الاطباء اللي ميريد يصدك هالحجي هاي تبقى يمه لان اني اللي عرفته كتبته لان ادري بيكم كلكم حايرين ......

اني ما اصدك

لحد ما ينطوني استمارة بيدي

مثل سالفة العقود من جذبو علينة بالبداية

جذبوا؟؟؟؟؟؟؟؟؟؟؟؟؟؟؟؟؟ يعني القصد شنو؟؟؟
شكرا عل الرد الحلو هذا وتحياتي

لا مو عليج عالمصدر الموثوق

مثل ما كالت سارة المعلومة هذي تخص خريجي طب الاسنان والصيدلة
بالنسبة للاطباء يبقة التعيين على دوائر الصحة حسب الضوابط الي افتهمناهة
اني شفت السبتايتل على العراقية
كالو على خريجي الاسنان والصيدلة يراجعون الوزارة لغرض التعيين
اما خبر الاطباء فجان السبتايتل يكول على خريجي كليات الطب مراجعة دوائر الصحة لغرض التعيين
هذا الي شفتة وافتمتة وبعد ما اعرف
شكرا يا ريام على اهتمامج بالموضوع
واذا احد يسمع شي خلي يكول
تعبنة والله