شباب محد يعرف شي عن الموضوع؟

هلو نبيل
قبل كم يوم سمعت هذا الخبر
واليوم الصبح بالبهو شفت عبدالرحيم و سألته
وكال القرار انو
ماكو بعد اي مقيمين دوريين بمدينة الطب ولا بالسناتر التعليميه
والاقامه الدوريه تصير سنه وحده و بس
والتدرج سنة فقط
والبرميننسي سنه فقطومن سالته علينه كال احنه احتمال نبقه بس هاي السنه وسنة الجايه نروح تدرج
بس هي مو هاي الشغله
الموضوع انه اكو فكرة ان يختارون بس ال 25 الاوائل و يتعينون و الباقيين يتعينون بعقد مو على الملاك الدائم مثلنه

بس كالو انو تنفيذه يحتاج دراسه

اما ألية تنفيذ كل هاي الجمهرة من القرارات فمحد يعرفهه لحد الان

بس المهم انت هسه بالسييف سايد من كل هاي القرارات الي تخص التعيين

وأعتذر بس هذا كل اللي اعرفه عن الموضوع و يا ريت الاخوه الباقيين بباقي السناتر يشاركونه اللي يعرفوه

تحياتي
Samer S. al-Obaidi , M.D

هذا الحجي اكيد لو مجرد اشاعة؟؟؟؟؟؟

باسم الشعب
مجلس الرئاسة
بناء على ما اقره مجلس النواب وصادق عليه مجلس الرئاسة واستنادا الى احكام البند ( اولا ) من المادة (61) والبند (ثالثا) من المادة (73) من الدستور صدر القانون الاتي :

رقم ( ) لسنة 2008
قانون التعديل الثاني لقانون تدرج ذوي المهن الطبية والصحية رقم (6) لسنة 2000

المادة -1- يلغى نص البند (اولا) من المادة (3) من قانون تدرج ذوي المهن الطبية والصحية رقم (6) لسنة 2000 ويحل محله ما ياتي :-
اولا – يعين ذو المهن الطبية او الصحية موظفا وفق القانون وتكون مدة التدرج الطبي والصحي (3) ثلاث سنوات للاطباء واطباء الاسنان والصيادلة وذوي المهن الصحية.
المادة -2- يلغى قرار مجلس قيادة الثورة (المنحل) رقم (617) في 23/6/1988.
المادة -3- ينفذ هذا القانون من تاريخ نشره في الجريدة الرسمية.
الاسباب الموجبة :

بغية تعديل فترة التدرج الطبي للاطباء من اربعة سنوات الى ثلاث سنوات وذلك لعدم حاجة الطبيب المتدرج الى هذه السنة الاضافية.
شرع هذا القانون.

زين اريد افتهم التدرج يصير 3 سنوات يعني سنتين اقامة دورية لو سنة وحدة؟......والنص يكول ينفذ هذا القانون من تاريخ نشره بالجريدة يعني احنة مشمولين لو لا؟......ترة مهزلة والله


بالمناسبة هاي سالفة التعيين والعقود ترة اشاعة .......الشغلة بدت بكردستان لان يريدون يسوون النظام الصحي راسمالي يعني عالقطاع الخاص ...ببغداد لحد الان ماكو هيج خطوة لخصخصة النظام الصحي.....اذا ماكو تعيين ترة لاتتخيلون احد راح يبقة .....اخاف هسة نص اللي ديتخرج ديهج فبعد ماكو احد يبقة اصلا.......اني ما اتصور اكو طبيب يكلهم عينوني وميبوسون ايده ورجلة بس حتة يعينوه.....اني اصلا اعرف طبيب جان مسافر صارله 4 سنين وهسة رجع وعينوه وجمالة بنص بغداد.....فهاي سالفة العقود تنسوهة ....

شكرا نبيل

يعني الحجي الة كالة سامر مجرد اشاعات ابخصوص ال 25 الاوائل و ماكو تعيين بالسناتر الطبية لو حجي اكيد؟؟؟
طبعا السالفة مهزلة
و مشكور مقدما

شغلة ماكو تعيين بالسناتر التعليمية اتوقع صحيحة لان بصراحة كلش فكرة معقولة لان اصلا عدد البيرمننته فعلا اكبر بهواية من الروتيترية واتصور اذا تطبقت راح تلاقي نجاح......اتصور بيهة مجال هالسالفة ولو القانون مابيه تفصيلات بس الاشهر الجاية راح تبين

والله يا صديقي العزيز اني هذا اللي سمعته من رئيس الاطباء المقيمين
وسوري بس ما الي اي علاقه بالمهزله اللي تحجي عليهه
بس اهم شي اتمنى انو كل الي سمعناه عن التعيين هو اشاعات
لان المتخرجين خطيه شنو ذنبهم يتعذبون بسبب بعض العقول الي تحاول ان تجرب انظمه صحية جديده بالعراق
ولو هذا الشي مطلوب بس مو براس المتخرجين الجدد

وبعدين القرار واضح و ميرادله شرح

تحياتي
لنبيل و دودي

Samer S. al-Obaidi , M.D.

زملائي الاطباء
التعيين سيكون غير مركزي
الوزاره مالهه دحل بالموضوع
التعين سيكون ضمن دوائر الصحه
اليوم كنت في وزاره الصحه واستفسرت عن الموضوع

تمنياتي للجميع بتعيين جيد
وياريت الي عنده اي خبر يخص تطورات الموضوع ما يبخل بيه
تحياتي للجميع

بالنسبة للزملاء المتخرجين حديثا ....... احب اوجه كلمة ......شفت هواية مرعوبين لان التعيين مو مركزي.....وحبيت اكول شكم نقطة



اولا التعيين مركزي او لا المهم انتو راح تتعينون والوزارة او دوائر الصحة تتتوسل بيكم بس تعالو اشتغلو لان متتخيلون العجز بالعدد.......


ثنايا لا تتحسرون عالتعيين وعالدوام.....لان راح تشوفون اللي مشفتوه من تتعينون .....ماريد اكمل بس حتشوفون بعينكم وتتذكروني.....



فلاتخافون ولابطيخ



الطبيب بهالبلد همة يتوسلون بيه تعال بس اشتغل وهمة الممنونين ودا عتكم ......الشي الوحيد اللي اختلف هو انه يجوز طريقة التوزيع والتعيين اختلفت شوية.....مو مهم المهم التعاسة بالدوام بكل مكان .....وكل الطرق تودي الى روما

السلام عليكم
حبي ابو النبل
خلي الشباب بواهسهة يمعود ليش كاره الدوام هيج ..
شبابنا الخريجين الجدد:
صحيح اكو خربطة بالتعيينات بس هذا حال كل سنة يلوصوهة بالبداية وبعدين تترتب يعني اهل المعدلات العالية انشاء الله مكانهم زين وين ميصير التعيين والبقية يتوزعون على اساس الرغبة والمعدل وطبعا اكو فقرة الواسطات مو طبيعية بالعراق..
بقة شغلة اخيرة الدوام صح تعب واكو حالات تعبانة هواية بس هذا شغلنا ولازم نتحمل وشكدما اكو حالات تعبانة فلازم اكو حالات كبالهة زينة وتتحسن وكلمة رحمة الله والديك اذا صدك طلعت من مريض تحسن كافي تخليك شوية تتحمل التعب..

امنياتي للجميع بالموفقية..

شكرا حيدور اتمنالك الموفقية

والله حيدر حجيك ذهب
هي شغلتنا بيها الزين و الموزين و بيها التعب اكيد

تسلم يا وردة