اخوان القسم يوم 26\11

هذا الحجي اليوم من التسجيل وراها علساس نبدي بمعاملات الوثيقة و هوية النقابة

بس اريد اعرف ليش كليتنا دائما هيج لان غير كليات مثلا النهرين و المستنصرية بدوا يستلمون هويات نقابة و بلشوا بمعاملات الوثيقة و احنا لازم ننتظر شهر لاخ

يعني بيا شغله كليتنا بيضت وجهنا علمود بهاي الشغله رح تصير عدله

لعد هيه سالفه كص الاشجار لو ابو الروب ميقبل يوقع براءه الذمه لو الخ الخ

بس اريد افهم شلون اكو ناس يشتاقون للكليه بعد التخرج
اشو تخرجنا ولازكه بينا هيه
يعني صدك الواحد ميعرف شيحجي

شكرا محمد خالد على المعلومه

مشكور حبي ابو جاسم
بس مو بعد وكت عالقسم خلي يخلونه عالوجبة الجاية

شباب ماكو داعي تحجون... خلوهة سنطة هواية احسن... ملينا من الحجي و مثل ميكولون... "و لكن لا حياة لمن تنادي".....
و ان شاء الله الموفقية للجميع...

تسلم ابو جاسم عل خبر

بس اني اريد اعرف التاخير وين بالضبط وصوج منو ؟ ترة الشغلة همين صوجنا لان عايفيهم براحتهم وما كالبيها عليهم ليهسة

بالضبط عموري صح حجيك

اخنا من البداية ما عدنا كلمة عالكلية و ناطيهم مجال ابكيفهم ايسوون و كلها خرابيط ابخرابيط

يعني ليش النهرين و المستنصرية عدهم هسة هوية مال اطباء و احنا لا

خوب التسجيل مالنا اكثر ناس امخربطين و عيب والله لان المفروض هاي ارقة كلية بالعراق بس الظاهر خربت بعد هو اكو شي ما خرب

هيه خربانه من فوك
منو الي تحجي وياه عبالك فد شي هو
دكول دتحجي واحد محمل الله منيه وروحه بخشمه
على كوله ويني دخولنا ساكتين تره هسه ابدي اشمر عليهم واحد واحد

بس خلي كم واحد منهم يهز طوله ويجي يوكف ويسوون القسم
علساس همه شلون مهتمين بالقسم

لا وجمالة يكلك التعيين ماكو بس يسوولنا عقود مو تعيين دائمي هاي فوكاها

هلو شباب..المشكلة شنو نكدر نسوي حتى نغير هالخرابيط..ماادري اذا سمعتوا بمشكلة اخونا شاكر وضاح ...اسئلوه ورح تعرفون التطور اللي وصلناله...انا لله وانا اليه راجعون

حبيبي ابو شهاب مشكلة شاكر خلاني اكول بان طب بغداد مهزلة و صدك مهزلة و ماكو ناس امخربطين و ما عدهم ذمة و لا ضمير ابكد جماعتنا الي ابطب بغداد

مع الاسف والله

و هاي شغلة التعيين سمعت بيها اني بس سمعت بان الصيادلة المتخرجين لغوا تعينناتهم و سووها عقود مو احنا لحد الان ما ادري اشرح ايصير بعد جم يوم

شنو هيه شغله شاكر يا ريت لو تكولها علمود نكوم نحب الكليه كلش ونشتاق الهه هم

اني ما اعرفها
بس اعرف قضيه صديقي محمد نبيل والي هسه هو بالسادس لان تأخر سنه

العام بالخامس وبدرجات الفاينال طلعوه واكع بالنسائيه علما انه جان يحتاج بس 20 علمود ينجح
راح سأل واعترض تدرون شلعو مسوين؟؟
محاسبين اله درجه نص السنه
يعني وره الاعتراض طلع عنده متوسط
تخيلو اذا درجه نص السنه واحد مديضمن تنضاف

ولمن سألنا ليش هيجي تدرون شجان الجواب !!!!!!!!!!!!!!!!!!

يكولولنا الحاسبه كامت تخربط وكامت تسوي اغلاط

حبيبي عمر: سالفه العقود صدك لو دتتشاقه؟؟

لؤي عيني محد يعرف صدك لولا بس هذا الحجي الي دنسمعة من اتأكد اكلك

سالفة شاكر و باختصار شديد ديسال على امتحن الدور الثاني اشوكت جان درة بالصدفة ما عندة درجات و من سال اللجنة الامتحانية ايكولوة ما الك درجات ابصف سادس

و اتبهذل و منا و منا الى ان ابطلعان الروح حصلهة و الحمد لله

كلش امخربطين همة و من ورة خشمهم يشتغلون ليش ما ادري حتى كمت اشك ابكل شغلهم و حتى بالدرجات مالنا لا ايكون طالع بيها غلط يعني بين قوسين مو ثقة همة

بس شنسوي الله كريم

السلام عليكم

اولا الله يعنيكم جميعا على هالبلوة الي انتو بيهه...ثانيا...بس ممكن اعرف شبيه شاكر؟؟؟؟؟

وشكرا