والله عموري هاي الحجايه اذا صدك فحرامات عل القرايه والتعب ست سنين تالي نكوم ندور عقود و اكيد كلها واسطات. لعد شنو اختلافنا عن باقي الكليات (مع الاحترام للجميع) ...اذا هذا الحجي صحيح لعد يجوز نكوم نشوف اطباء يسوقون تكسي لو يشتغل اي شغله حره، لو يجوز يصير ابتزاز للطبيب المتخرج انه ادفع كم ورقه حتى تتعين بعقد و الميدفع ميتعين

انشالله تتطلع اشاعه و متصير صدك

حبي خلوق اني هم اتمنى اشاعه
بس القرار الموزين لازم يطبقوه
والقرار الزين يلغوه وره فتره
يعني قللوا الراتب وماكو تعيينات بس عقود
يعني بين قوسين اطلع بره بس بطريقه ..... افففففففففففففف شا احجي

اخوان اخوان ترى سالفة العقود اشاعة و لا اتدوخون نفسكم بيهة لان ماكو شي اكيد و هذا الشي سمعتة شخص يشتغل ابوزارة الصحة و ايكول اصلا المستشفيات يحتاجون اطباء


اما اذا صدك صارت هيجي عقود اكيد حتشتغل الواسطات و يبدي الظلم العالمي و صدك على كولتكم يمكن ناس يضطرون يشتغلون تكسي او اي شغلة لا تليق بالطبيب او تليق بالتعب ال 6 سنين الي تعبناه و الايام السودة الي شفناهة بالدراسة

و اذا صدك صارت هيج و الله يبعدنا عن هالشي الواحد يطفر من هالبلد اهواية احسن بس اني لحد هسة متاكد ماكو هيجي شي

السلام عليكم

سمعت انه شغلة العقود صدك مو كلاوات بس محيطبقوهة هسنة يعني على السنة الجاية انشاء الله
صدك لو جذب هذا الحجي؟منو عندة تفاصيل

شباب اني ما عندي مصدر موثوق من بغداد
بس الي اعرفه شغلتين:
1/ القرار الموزين بسرعه يطبقوه والي بيه اذيه يتطبق راسا
2/ بكردستان هذا القرار رح يطبقوه هالسنه- واني متاكد من دهوك- لان طلاب الطبيه صارلهم اسبوعين اضراب على هاي السالفه
عقد ب 400 الف ولمده 3 لو 5 سنوات

اوووووف ربي ترة هذا مو حجي و مو خوش اخبار

بس لحد الان ماكو شي رسمي ابغداد بخصوص هالشي

والله اني سمعت من دكتور جبير هو اصلا باللجنه مال التعينات بالوزاره انو ماكو هيج شي اسمه عقود لان مشتسفياتنا تحتاج هواي مقيمين دوريين

بعد ماادري يجوز هذا الرجال مطفي وميدري شنو السالفه او يجوز الموضوع كله اشاعه باشاعه
بس الشي الاكيد لحد هسه ماكو شي رسمي على شغله العقود يعني التعيين مثل ماهو مثل قبل اي تعليمات رسميه جديده ماكو

اني هم سمعت هيجي شي...
كالو احتمال يتأخر التعيين..بس مال ينلغي ماكو هيجي شي ابد

السلام عليكم
طبعا بالنسبه لشغله التعيين اني من سمعت بيها كلش ظجت مع انه اني بعدني مرحله خامسه بس من سمعت بشغله العقود كلت حرامات على التعب اللي تعبنا المهم ظليت استفسر عن الموظوع بس ملكيت مصدر موثوق الى ان قبل شويه عرفت انه خالتي راجعه للوزاره (طبعا خالتي دكتوره وجتي فتره طلعت من وزاره الصحه لاسباب امنيه وحاليا رجعت لاستقرار الوظع الامني)فاني استغليت الفرصه وسالتها وكالت ماكو هيج شي مال العقود ولا اكو كتاب رسمي بي وانما اكو كتاب انه التعيين الزامي للمجموعه الطبيه وحتى للمعاهد والكليات التقنيه الطبيه لذلك ياجماعه ريحوا بالكم ولتشيلون هم وانشالله تعينون وترتاحون واتمنالكم التوفيق بحياتكم الجايه
تحياتي

بالضبط هذا الي سمعتة اني هم من مصدر موثوق بالوزارة

و ترى هاي الاشاعات طلعت من ورة شغلة العقود الي صارت بالشمال و ورة هم ما لغوا التعيين للصيادلة هالسنة بس لحد هاي اللحظة ماكو هيجي شي لالاطباء لان اصلا يحتاجون اطباء مقيمين مثل ما كلتوا

تحيه طيبه لكل زميل وزميله
اخيرا وبعد 6 سنوات من التعب المضني راح انردد القسم
يوم الاربعاء القادم حيكون موعد لترديد القسم وان شاء الله حيكون يوم من اروع الايام في الذاكره
السيد وزير الصحه والسيد رئيس الجامعه حيكونون موجودين
والطلبه ال10 الاوائل حيستلمون نصف مليون هديه تقديريه...مبروك مقدما اكولهه الهم لان همه يستاهلون
راح يكون اكو برنامج مميز للحفل لهذا ارجو من الجميع الحضور
مبروك ...الف مبروك لزملائي اطباء المستقبل

يا ريت لو تنزلون النص مال اقسم اذا امكن

شنو ناوي تسوي القسم اونلاين لؤي؟؟؟

اني شفت بدلات التخرج بالمخزن جانت وصخة و معقجة يعني هاي حنلبسهة و ناخذ صور بيهة و انأدي القسم ؟معقولة ترة يمكن صايرة بيهة ارضة

لو نجي بالقوط؟

هلو علي
اني اللي سمعتة انو ماكو روب...العام جانو بلا روب...ولو هو احلى شي..بس هاي كليتنا..مع الاسف