هلو شباب شلونكم؟ ان شاء الله زينين .... حبيت اطرح عليكم موضوع شوية لطيف وهو شغلة المسلسلات التركية الي غزت الناس هل ايام .... نفتح التلفزيون نلاقيها بوجهنا .. ننزل الشارع نلاقيها بوجهنا ..صورهم بكل مكان ههههه
المهم ردت اعرف رايكم بيها ...وشنو سر تعلق بعض الناس بيها ؟ زين انتو تحبوها لو لا؟ اذا تحبوها ليش ؟ واذا متحبوها هم ليش؟
بالنسبة الي اني ماحبها كلش كلش
اولا لان الي افتهمتة من قصتهة من المرات القليقة الي شفتها بيها انه سطحية جدا وماكو غرض او هدف يردون يوصلولة بالقصة , ثانيا المشاهد كلها تتكرر لو البطل يكول للبطلة لبسج حلو لو هية تكلة انيرايحة للسوك ثاني يوم ابنهم يتمرض عاد المشهد الوراه يرجع يكلها
لبسج حلو هههههههه
وبرأيي سر تعلق الناس بيها انه هية شغلة جديدة نوعا ما وللتغيير , وبعدين الناس بطبعها من يشوفون واحد يكول شي حلو يميلون ان هم يكولون نفس الشي
يلة المهم نسمع ارائكم وان شاء الله الموضوع يصير بيه خوش نقاش .....

عاشت ايدك عالموضوع عمر..
لان بصراحة اني هم مااطيق هاي المسلسلات...
خل نبدي من البداية..السبب اللي خلا الفضائيات تعرضها جان انو هية ارخص من المسلسلات العربية ,بالسعر قصدي
بس من جابوها...العالم تخبلت واذا تسال تلت ارباع الشعب العربي اللي يتابع المسلسل و(النساء)مو بس المراهقات...حيكولون انو مهند حلو...أذا دنحجي على مسلسل نور
ناس تكول انو احنا دنتابعها لان بيها قصة حب مثالية...وهذا شي مموجود على ارض الواقع...فاللي صار ببعض الدول الخليجية واتصور حتى بالاردن وبسوريا هم كالو انو زادت حالات الطلاق بسبب هاي المسلسلات

اني برأئي انو سالفة هاي المسلسلات..مثل سالفة فلم تايتانك من طلع...انكلبت الدنيا على (جاك)بوقتها وصورة ملت الاسواق والملابس وكلشي ..والمراهقات اشتروها بكثرة...وبعدين راحت المودة مالتة ونسو هسة...هذا نفس الحالة...مودة كم شهر او سنة ووراها تروح
هذا كلة استغلال للشعب العربي..أللي مع الاسف مستوا الفكري محدود لهالدرجة وذولة عرفو منين يستغلو ابشع استغلال

اني اللي انقهرت عليه انو المشكلة مو بس المراقهات اللي تعلقو بهالمسلسلات...هالمرة المتعلمة والغير متعلمة والمثقفة والغير مثقفة..نفس الشي..ماكو اي فرق بينهم
يعني اليوم جانو جايين كرايبنا نساء بمختلف الاعمار ووحدة منهم حجية جبيرة...ديتناقشون كبالي بالمسلسل...وهاي الحجية وياهم انو فلان سوا هيجي ومدري منو سوا هيج!!!

وبالامتحانات اتذكر صديقاتي يكولون احنا يومية اذا منشوف نور منكمل قراية!!!
شنو السر....مداافتهم


عاشت ايدك مرة لخ ...د.عمر

هلو شباب
شلونكم ؟ انشاءالله الكل بخير
بالنسبة للمسلسلات التركية والله كتلتنا كتل اني ما احبها بالنسبة لمسلسل نور و مهند لان احسها بعيدة عن الواقع و نفس الاحداث تنعاد يتعاركون و يتصالحون و هيجي ماكو اي هدف و فوقاها شطولها من جنا طلاب نتفرجها هسة صرنا دكاترة و بعدها تشتغل يمكن عالبورد تخلص
مشكور دكتور عمر عالموضوع و خليتنا نطلع حركتنا
تحياتي

Funny & nice topic,


I think the Turkish soap opera took such a huge attention due to several factors:

1. huge promotion campaign on the most watched channels namely (MBC4, MBC2)
2. something new (the actors,actresses, clothes...etc. not the idea because the core story is a damn boring cliche !)
3.repeating the episode 3/day which is in a way or another forcing you at least to watch bits.

DO I WATCH IT? NO, but i have seen parts of it cause it is there whenever you turn the TV on.

WHAT DO I THINK ABOUT IT? this interest will decrease with time ...remember the first mexican soap opera (mary Elina) everybody watched it while after that nobody cared to follow all the other mexican soap operas .

my belief, these soap operas are created for certian groups of people namely retired old people( ladies mainly) , housewives, teenagers . cause all of these people having lots of spare time which needed to be filled with cheap entertainment, but since our societies are going backwords and the majority of peoplep are HADIKA at the current time so everybody is watching.


a last word, Muhanned is a very beautiful man even Brad Pitt looks less hot next to him and that is one additional factor for the extra attention . i mean if you have the choice between watching an arabic soap opera which contains less attractive people, less interesting decoration, less elegant clothes or a turkish one i guess you will be watching the turkish.

thanks
Farah Baha

الناس ضايجة وتريد تلتهي بفد شي غير المشاكل والطلايب، وهاي حالة طبيعية بكل مكان

صدك حجايه دكتور نعمان على راسي
وهذا هو السبب الاول والاخير وماكو سبب اللاخ غير

مع الاسف مجتمعاتنا فاااااااارغه

بس حجايه بيني وبينكم اني دا اتفرجها صارلي حوالي الاسبوعين بس مو دائما
يعني لمن النت مو زين افتح التلفزيون واتفرجها

هيه اذا بيها شي حلو
هي شخصيه نور كلش تعجبني واتفرج المسلسله على مودها

وانصح البنات ان يتفرجوها علمود يعرفون شلون يحبون ازواجهم ويداروهم زين
لان بنات العراق صايرات كلش عنيفات مع شديد الاسف

بس حبيت اضيف فد معلمومه الى كل من يكره مسلسل نور
ومن ضمنهم عموري وساره

تره هيه مو بهالسوء الي تتوقعوه لمن تشوفوها لأول مره.. اني هم جنت اضوج منها حيييييل
بس لمن بديت اتفرجها لكيت انه بيها شغلات ولو قليله بس حلوه
يعني الواحد اذا يريد يشوف شي يتسلى بي فهيه احسن اختيار

وبعدين شنسوي.. اذا البنات يكولون عليها حلوه نكدر نكول لا....هههههههههههههههه
(حشر مع الناس عيدُ)

هلوووو..
طبعا عاشت ايدك عله الموضوع عمر..
هو الصراحه اني المسلسله متابعتهه من اول حلقه ..صح هيه طولت والاحدااااث صااارت كلش هوااايه بس هيه المسلسله تونس واحسن من الماكاااكو ..اني اشوفهه لطيفه يعني هم بيهه شغلات حلوه يعني اللي ميريد يشوف مهند واللي ميحب الاحداااث اكو مثلا لبسهم كلش حلووو والمناااظر اللي تطلع بيهه مثل الفله والبحر وهاااي السوالف كللللشششش حلوه ..


عمرررر متكلي شمسويلك مهند؟؟

Hi All
Thank you Ammoori for discussing such Syndrome or let's say disaster...

I have the same idea about this subject...

أريد أكول شي بالعربي...مع الاسف هاي المسلسلة متحكمة بالناس الى أبعد درجة وهذا شي سلبي لأن عبر الحد الطبيعي يعني من يصير المقياس جمال مهند أو مقدار حب نور ويبدي ينضرب المثل بيهم يعني هنا نوصل الى نقطة تبين شكد أكو ناس عدها فراغ عاطفي وفراغ اجتماعي وهنا تره أقصد الجنسين سوية ...ويمكن لو جانت نور حلوة وبيها شوفة جان انكلبت الاية وصاروا الشباب هما المهووسين بالمسلسة

طبعا اني كل اللي شايفه من هالمسلسة مايوصل 3 دقايق بس من كثر اللي سمعته كدرت أكون فكرة عنه
عاشت ايدك عموري على هالموضوع وانشالله يجيب نتيجة ولو ويه قسم قليل كلش من هالمجتمع

والله اني مجنت اعرف شيء عل مسلسل الى حد امتحان الجراحه العملي لمن المقيم كَال اللي شايف نور البارحه رح يجاوب بالامتحان

بالنسبه اللي اني اشوف المسلسل كلش سخيف و يشبه المدنلجات المكسيكيه ام ال 1000 حلقه اللي تتكرر بي الاحداث بصوره ممله بس اللي ديخلي الناس تشوفه هو الفراغ الهائل بحياتهم يعني الواحد محدق محدق

والسبب الثاني انه التلفزيون هو هيجي لو تشوف اخبار لو تابع هيجي مسلسلات ماكو غير شي...يعني اذا تريد تشوفلك شي ممتع و مفيد و جديد فاكيد مشفر و غالي فهاي ارخص طريقه تكضي بيها وكت.

اني مشايف بس حلقه وحده لو ثنبن...و بالمناسبه تره نور شكلها محلو مو؟

شكرا عموري عل موضوع

I see it as a copycat from Mexican and South american (arabic Intereprated) tv series.which by the way just a way helping people to switch off their brains from thinking.

هلو شونكم
انى قليل اكتب بلفورم بس هذا الموضوع حبيت اكتب عنة واكول رايي
لا مهند الحلو ولانور حلوة
واكو ممثلين كوووووووومة احلى منة
بس الحلو بلمسلسل اللبس والاناقة وهاي هي
بس
اكو لميس بسنوات الضياع هاي صدك الحلوة
وشكرا

i totally agree with that idea.
and by the way, where is the love story in the episodes?!??!!? whenever i watch it noor and muhanad r having a huge fight!!!!!

thanks for sharing

يسعد مساءكم
الموضوع حلو
والله هيه المسلسلات التركيه مثل ماكلتو فد شي جديد والناس بعدها فرحانه بيه يعني مثل المسلسلات المدبلجه اول مطلعت مريلانيا عروس البحر وماادري شنو خو ذيج بعد اكثر انخبصت الناس بيها والمسلسلات التاريخيه هم اجتي فتره خصوص مال نور الشريف من طلعت برمضان عن هارون الرشيد وغيرها وغيرها يعني مساله وقت هسه يملون

وعن نفسي اني بس اشوف نور تابعتها بالفتره الاخيره بعد الالحاح هيه كمسلسله طويله وممله يطولون ويعرضون بيها بس يعني الشي الحلو الي شفته هو تماسك العائله اكثر شي شدني بصراحه اطك شخصيه هو الجد الجبير فكري تره خوش زلمه والله العظيم سايك عليهم
بانا هم تعجبني خوش شخصيه فارضه نفسها من صدك شاد اوغلو ههههههههههههههههههه

اسخف مابلمسلسله نور ومهند والي يتابع المسلسله يشوف انو مااكو موقف او حدث واقعي يجمع هالشخصين يعني كله خيال وخيال وعبالك الحياه بس يوميه ورد ورسائل قصيره من يكعد يلكاها يم المخده ويتزاعلون بدون سبب ويتصالحون هم بدون سبب وهكذا وشوكت تخلص وتخلصنا ماادري يكولون 156 حلقه يعني جدري وحصبه الله يعينا شورطني وتابعتها

تحياتي

هلو
اني بالنسبة الي ابد مة شدتني مسلسلة نور ومهند واتوقع الاعجاب الكبير والضجة جانت نتيجة الدعاية الجبيرة ونتيجة شكل مهند الي بالنسبة الي ما اشوفة يجذب رغم اعتراض صديقاتي وحتى اعتراض ولد الكروب باعتبار مهند اشكر وبالنسبة لمقايس الجمال بالدول العربية هو الشكار ونور اشوفهة بسيطة ولطيفة بس مو حلوة وكل ما افتح التلفزيون الكة مهند يتعارك ونور تبجي مو بلة ؟ومسلسلة سنوات الضياع بيها احداث اكثر رغم اغلب الاحداث فلم مصري واحد يحب وحدة ويتلاكهة ...................الخ
شكرا على الموضوع
تحياتي
بروج