اكبر خساره للمرحله الرابعه

ينعى طلاب المرحله الرابعه االطالبه نور حيدر اثر حادث موسف ارجو ان تقروا الفاتحه على روحها الطاهره وادعوا ان يسكنها الله فسيح جناته
انا لله وانا اليه راجعون

[SIZE=7][FONT=Arial][COLOR=red]لم تخسر المرحله طالبه من طالباتها فقط وانما خسرت انسانه كانت صديقه الجميع محبوبه من قبل الجميع لها قلب حنون لو قلنا قلب والده قليل بحقها ولكن يانور انتي غبتي جسدا ولكن ستبقى روحك وبسمتك ووجهك الجميل بيننا وفي قلوبنا الى الابدواسكنك الله انتي ووالدتك فسيح جناته وقدر الله وماشاء فعل ارجوا منكم قراءه الفاتحه لها ولوالدتها وانا لله وانا اليه راجعون........

نور حيدر كانت من اعز الاصدقاء الي ... دائما وجهها مبتسم وبشوش .دائما تسأل عن الناس وتحب كل الناس ما فد يوم حجت على احد الا بكلمة حلوة. الواحد من يشوفها الصبح بابتسامتها الدائمة .. راسأ يتفائل ويكول اليوم هذا رح يكون حلو ... الى هسه اني ما مستوعب الفكرة انه السنة الجاية اداوم وما اشوفها هي دائما الي جانت تتشاقى بالكروب وكلنا نحبها ... بس يا نور انتي تبقين عايشة بقلوبنا .. وصورتج دائما ببالنا ورح نبقى نتذكرج بكلشي ... ومثل ما كتيلي مرة ووعدتج i wont forget u and friends 4ever ... اللهم اسكنها فسيح جناتك

نور حيدر جانت اكثر بنية بشوشة ودائما متفائلة وتضحك للدنيا وحتى من تشوف واحد ضايج وطاكة روحة تكله انطي مجال للدنيا تفرحك ... واحلى الشي الصبح من واحد يحجي وياهة ويتشاقة ويداهرهة لان ضحكتهة طالعة من طيبة قلبهة واني ولا مرة شفت نور مبينة روحهة ضايجة ولامرة حقدت على احد حتى لو يضوجهة تنقهر منه بس ابد ماتحقد لان قلبهة طيب حيل وتحب الكل وابد ماتحجي على احد

نور اريد اكلج اني متندم على كل لحظة فاتت ومعرفتج بيهة ومقويت علاقتي بيج اكثر نور ليش هيجي سويتي بينا ورحتي نور الله يرحمج انتي من اطيب الناس اللي عرفتهم بحياتي ودائما جبيرة بعيني وتبقين جبيرة بعيني وبعيننا كلنا للابد ياصديقتنا نور حيدر
الله يرحمج

انا لله وانا اليه راجعووون..والله اليوم كلنه مصدومييين بهل الخبر...والله نور الله يرحمهه جانت من احسن بنات الكليه ومماذيه احد باي شي..الله يتغمدهه برحمته ويسكنهه فسيح جناته..امييين يارب العالمييين!

God bless her soul...

i really don't know her,but u made me cry with each word u wrote about her

how did that happen??

i'm really sorry for your loss,God be with her family&her friends...

عيني نور توفت بحادث سياره لان والدتها تخربطت بالليل وديودوها للمستشفى وولد جيرانهم ديوصلهم وتدرون باليل واكو عوائق بالطريق مشايفها فمكلوبه بيهم السياره واتوفت نور ووالدتها الله يرحمهم اما والدها اللي جان كاعد ليكدام فالحمد لله مصار بي شي والله يرحمهم ويصبرنا ويصبر اهلها

Im so sorry to hear that.

God rests her soul and her mom's as well.

What a massive loss.

Samer.

God Bless her soul... and give patience for her family and her friends...Amen

what can we say its massive loss 4 each person he know noooor....u still in our heart my lovely friend

God blesses their souls and may God give patience to everyone who cherishes them...

انا لله وانا اليه راجعون
جنا نامل ان منسمع اخبار الوفيات بعد على الفورام ولانعزي بعضنا بصديق وره تحسن الاوضاع لكن هيه هاي سنه الحياه حتى لو اختلفت الاسباب
الله يرحمها وامها ويصبر اهلها واصادقاءها

بالرغم من انه آني عرفتها لنور لفترة قصيره وبالرغم من انه اني صارلي سنتين مشايفها بس والله الخبر لحد الآن مأذيني. هو صح قضاء قدر بس والله وكأنه لا اراديا مأريد اصدكه للخبر
لسبب بسيط وهو انه نور كانت انسانة بيها كل الصفات الحميدة اللي الي شخص ممكن يتمناها ان تكون باخت او زميلة
الله يرحمهم و يصبر اهلها وزملائها جميعا بهاي المحنة

انا لله وانا اليه راجعون

لا حول ولا قوة الا بالله
والله العظيم اني دا القي صعوبة بتصديق الخبر
يعني احنة ماصدقنة شوية الوضع تحسن ولو نسبياً و شهداء الانفجارات قلوا شوية حتى نرجع نسمع بهيج مأساة
انا لله و انا اليه راجعون
لا اعتراض على حكم الله

اتمنى الله يلهم اهلهة و احبائهة الصبر

البقية بحياتكم جميعاً