هلو شباب.......
صارلي هواية مكاتب اي شي بموقع الكلية.......الاقامة الدورية وبالذات بمدينة الطب عبارة عن اشغال شاقة بصراحة .....بس احسن من الكلية بهواية ........على الاقل دتسوي شي بيه فائدة الك و لغيرك.........
صارلي فترة تقريبا من بدت الاقامة ولحد الان بدوامة ........حجاية تجيب وحجاية تودي......حالي حال هواية غيري......يا جماعة حياة الطبيب العملية طويلة هنا بالعراق ويمكن بعد اطول بالنسبة النه كعراقيين برة بالخارج........يعني 6 سنين كلية وسنتين اقامة وفد سنتين بيرمننسي ووراهة بلكي تحصللك واحد من الفرعيات وينرادله دراسة 5 سنين ......مخلص الحجي ينراد يصير عمرك 35 سنة يللة تكدر تكول خلصت كراب هاي طبعا اذا انت مشت امورك عدل ودبرتلك واسطة زينة ومدك فلان بيك الناقصة ومن هالسوالف اللي الكل يعرفهة.........وبالتالي الكل ديفكر بالسفر......على الاقل الواحد برة محترم كطبيب وميشوف كل هالكراب والتعب وفوك هذا وذاك يعيش حياته........
طبعا من تصير مقيم بالمستشفى تبدي تشوف كومة ناس وكل واحد عنده تجربة واللي ما عنده تجربة عنده خطة يريد يجربهة وتسمع من هذا وتسمع من ذاك وهكذا بحيث انت بالنهاية تدوخ ومتدري شنو الصح وشنو الغلط........ناس تكلك ابقة بالعراق لاتضيع وقتك وتحاول تسافر لان محد يريدك برة واني رحت ومتوفقت وخسرت كومة فلوس وخسرت وخسرت وخسرت........وناس تكلك فلان راح وسوة هيج وهوة هسة بفلان مكان وقابل هوة احسن مني ومنك ومن هالحجي........ ومن ناحية اخرى الوضع هنا ابد ميشجع لان لا اكو احترام الك كطبيب بهالمجتمع المتخلف ولا اكو وارد مادي معقول ولا اكو عدالة لان الواسطات ماليه الدنيا فلازم تصير متسلق حالك حال غيرك.......والكل تكرب عليك وتحملك فوك طاقتك لان وضع البلد اصلا صحيا متداعي والاطباء قليلين.......والتخصص هنا بصراحة بيه هواية مساوئ يعني بيه تعب بس الله يدري شكد وشهادتك برة محد يعترف بيهة وتحصيل الاختصاص الزين كلش صعب وبيه كومة دروب عوجة وواسطات وهواية بعد شغلات تبطل واهس اكبر واحد.........فالنتيجة الاغلبيه دتتجه للسفر.......يعني يكلك اصير فاملي مدسن بفلان دولة معزز مكرم وعايش حياتي ولا ابقة هنا اصير سينير جراحة ومكروب عليه.......وبصراحة هنا ثمرة تعبك متبين عليك لان شكد متفيد عالم يوم اللي لا سامح الله تموتلك واحد اسهل منهة ماكو يهددوك اهلة وياما صارت كدامي ويوم اللي تحصل ملايين هم متفيدك لان ماكو مكان تصرفهة بيه وتونس نفسك فمخلص الحجي اللي باقي هنا فباقي لان لو جرب حظة وفشل وباقي من لا جارة لو باقي لان هوة عنده قناعة او عنده امل بالعراق يتحسن.........
المهم......صلب الموضوع.......راح احجي عن نفسي.......اني اريد اطلع وباسرع وقت......بس ماريد اروح احصل اختصاص وارجع......اريد مكان بيه الروحة بلا رجعة سواء حصلت اختصاص او لا .......المهم اشتغل كطبيب برة حتى لو جي بي.........يعني مكان اكدر استقر بيه.......احس الوقت ديمشي و اكو هواية دروب ولازم اختار واحد واجرب حظي.......بس اني بصراحة كلش مشوش ومتحير.......ما اعرف الصح من الغلط.......فحبيت اطرح الموضوع بالموقع حتة جماعتنه اللي برة العراق ينطوني رأيهم .....اني اعرف هواية ناس...... ناس وصلت للي تريده وناس ديحاولون بعدة اماكن من العالم بس ما اعرف شلون اتصل بيهم فكلت بلكي اللي اعرفه واللي ما اعرفه يساعدني بمعلومة ويساعد هواية غيري من اللي راح يقرون الموضوع.........
اكو عدة اشياء حبيت اسال عليهة ويجوز اكو ناس ناقشوهة بالموقع قبل........اتمنة اي واحد عنده خبرة او تجربة يشارك ويساعدني.......
اول شي .....استراليا.....اكو ناس تصيح يمعودين تعالو نقدم هجرة وديقبلون خوش اعداد ومن هالحجي.......واكو ناس تكول اكو... skilled worker visa ... وينطون للاطباء.......احد سامع شي عن هالشغلة؟.......وشلون ؟......ووين ؟........صدك يريدون 50 الف دولار رصيد بالبنك؟........شكد تكلف الشغلة؟.......وشنو الامتحانات هناك؟.........
ثاني شي.......USMLE ........هواية ناس دتحضر نفسهة لهالامتحان........شنو قابل امريكا تريد عراقيين؟.......لو قابل راح يشغلونه اذا عبرنه هالامتحان؟........زين يكلك ستيب ثري الا تمتحنهة بامريكا فشلون ينطوك فيزا؟.........زين فرضا العملية ممكنه فشكد تكلف وشلون الواحد يبدي يحضرلهة ووين؟.........
ثالث شي.......ماليزيا.......يكولون ماليزيا دتنطي بورد باغلب الاختصاصات ما عدا طب الاطفال ومدري شنو بعد .........تكلف 12 الف دولار ب 4 سنين .......احد منكم سامع عن هيج شي؟........زين واللي يخلص بهيج مكان يكدر يروح يشتغل بالغرب بهالشهادة لو هاي يرجع بيهة للعراق وخلص؟.........
رابع شي.......اوكرانيا ........الدراسة هناك هواية ناس راحت .......بس شنو نتيجة هالدراسة؟.......واللي يحصل شهادة من اوكرانيا يكدر يحصل شغل برة لو لا؟..........
خامسا........اذا اكو درب لاخ احد يعرف عنه شي ويكللنه اكون ممنون عسى ما تكون تاليته بجزر الواق واق..........
اتمنى اي واحد عنده معلومة يشاركنه بيهة........وبالذات اخوانه اللي بالخارج خل ينطونه خبرتهم وهمة عددهم ابد مو قليل.......شكد ما تكون الردود مفصلة كل ما احسن.......يعني اماكن , تواريخ , ارقام , تكاليف , ميزات , مساوي .......وشكرا للكل مقدما.......
اخوكم.....
د.نبيل رعد
مقيم دوري
مدينة الطب
صارلي هواية مكاتب اي شي بموقع الكلية.......الاقامة الدورية وبالذات بمدينة الطب عبارة عن اشغال شاقة بصراحة .....بس احسن من الكلية بهواية ........على الاقل دتسوي شي بيه فائدة الك و لغيرك.........
صارلي فترة تقريبا من بدت الاقامة ولحد الان بدوامة ........حجاية تجيب وحجاية تودي......حالي حال هواية غيري......يا جماعة حياة الطبيب العملية طويلة هنا بالعراق ويمكن بعد اطول بالنسبة النه كعراقيين برة بالخارج........يعني 6 سنين كلية وسنتين اقامة وفد سنتين بيرمننسي ووراهة بلكي تحصللك واحد من الفرعيات وينرادله دراسة 5 سنين ......مخلص الحجي ينراد يصير عمرك 35 سنة يللة تكدر تكول خلصت كراب هاي طبعا اذا انت مشت امورك عدل ودبرتلك واسطة زينة ومدك فلان بيك الناقصة ومن هالسوالف اللي الكل يعرفهة.........وبالتالي الكل ديفكر بالسفر......على الاقل الواحد برة محترم كطبيب وميشوف كل هالكراب والتعب وفوك هذا وذاك يعيش حياته........
طبعا من تصير مقيم بالمستشفى تبدي تشوف كومة ناس وكل واحد عنده تجربة واللي ما عنده تجربة عنده خطة يريد يجربهة وتسمع من هذا وتسمع من ذاك وهكذا بحيث انت بالنهاية تدوخ ومتدري شنو الصح وشنو الغلط........ناس تكلك ابقة بالعراق لاتضيع وقتك وتحاول تسافر لان محد يريدك برة واني رحت ومتوفقت وخسرت كومة فلوس وخسرت وخسرت وخسرت........وناس تكلك فلان راح وسوة هيج وهوة هسة بفلان مكان وقابل هوة احسن مني ومنك ومن هالحجي........ ومن ناحية اخرى الوضع هنا ابد ميشجع لان لا اكو احترام الك كطبيب بهالمجتمع المتخلف ولا اكو وارد مادي معقول ولا اكو عدالة لان الواسطات ماليه الدنيا فلازم تصير متسلق حالك حال غيرك.......والكل تكرب عليك وتحملك فوك طاقتك لان وضع البلد اصلا صحيا متداعي والاطباء قليلين.......والتخصص هنا بصراحة بيه هواية مساوئ يعني بيه تعب بس الله يدري شكد وشهادتك برة محد يعترف بيهة وتحصيل الاختصاص الزين كلش صعب وبيه كومة دروب عوجة وواسطات وهواية بعد شغلات تبطل واهس اكبر واحد.........فالنتيجة الاغلبيه دتتجه للسفر.......يعني يكلك اصير فاملي مدسن بفلان دولة معزز مكرم وعايش حياتي ولا ابقة هنا اصير سينير جراحة ومكروب عليه.......وبصراحة هنا ثمرة تعبك متبين عليك لان شكد متفيد عالم يوم اللي لا سامح الله تموتلك واحد اسهل منهة ماكو يهددوك اهلة وياما صارت كدامي ويوم اللي تحصل ملايين هم متفيدك لان ماكو مكان تصرفهة بيه وتونس نفسك فمخلص الحجي اللي باقي هنا فباقي لان لو جرب حظة وفشل وباقي من لا جارة لو باقي لان هوة عنده قناعة او عنده امل بالعراق يتحسن.........
المهم......صلب الموضوع.......راح احجي عن نفسي.......اني اريد اطلع وباسرع وقت......بس ماريد اروح احصل اختصاص وارجع......اريد مكان بيه الروحة بلا رجعة سواء حصلت اختصاص او لا .......المهم اشتغل كطبيب برة حتى لو جي بي.........يعني مكان اكدر استقر بيه.......احس الوقت ديمشي و اكو هواية دروب ولازم اختار واحد واجرب حظي.......بس اني بصراحة كلش مشوش ومتحير.......ما اعرف الصح من الغلط.......فحبيت اطرح الموضوع بالموقع حتة جماعتنه اللي برة العراق ينطوني رأيهم .....اني اعرف هواية ناس...... ناس وصلت للي تريده وناس ديحاولون بعدة اماكن من العالم بس ما اعرف شلون اتصل بيهم فكلت بلكي اللي اعرفه واللي ما اعرفه يساعدني بمعلومة ويساعد هواية غيري من اللي راح يقرون الموضوع.........
اكو عدة اشياء حبيت اسال عليهة ويجوز اكو ناس ناقشوهة بالموقع قبل........اتمنة اي واحد عنده خبرة او تجربة يشارك ويساعدني.......
اول شي .....استراليا.....اكو ناس تصيح يمعودين تعالو نقدم هجرة وديقبلون خوش اعداد ومن هالحجي.......واكو ناس تكول اكو... skilled worker visa ... وينطون للاطباء.......احد سامع شي عن هالشغلة؟.......وشلون ؟......ووين ؟........صدك يريدون 50 الف دولار رصيد بالبنك؟........شكد تكلف الشغلة؟.......وشنو الامتحانات هناك؟.........
ثاني شي.......USMLE ........هواية ناس دتحضر نفسهة لهالامتحان........شنو قابل امريكا تريد عراقيين؟.......لو قابل راح يشغلونه اذا عبرنه هالامتحان؟........زين يكلك ستيب ثري الا تمتحنهة بامريكا فشلون ينطوك فيزا؟.........زين فرضا العملية ممكنه فشكد تكلف وشلون الواحد يبدي يحضرلهة ووين؟.........
ثالث شي.......ماليزيا.......يكولون ماليزيا دتنطي بورد باغلب الاختصاصات ما عدا طب الاطفال ومدري شنو بعد .........تكلف 12 الف دولار ب 4 سنين .......احد منكم سامع عن هيج شي؟........زين واللي يخلص بهيج مكان يكدر يروح يشتغل بالغرب بهالشهادة لو هاي يرجع بيهة للعراق وخلص؟.........
رابع شي.......اوكرانيا ........الدراسة هناك هواية ناس راحت .......بس شنو نتيجة هالدراسة؟.......واللي يحصل شهادة من اوكرانيا يكدر يحصل شغل برة لو لا؟..........
خامسا........اذا اكو درب لاخ احد يعرف عنه شي ويكللنه اكون ممنون عسى ما تكون تاليته بجزر الواق واق..........
اتمنى اي واحد عنده معلومة يشاركنه بيهة........وبالذات اخوانه اللي بالخارج خل ينطونه خبرتهم وهمة عددهم ابد مو قليل.......شكد ما تكون الردود مفصلة كل ما احسن.......يعني اماكن , تواريخ , ارقام , تكاليف , ميزات , مساوي .......وشكرا للكل مقدما.......
اخوكم.....
د.نبيل رعد
مقيم دوري
مدينة الطب
![smile.gif](http://4.<a href="http://www.forumer.com">forumer</a>.com/html/emoticons/smile.gif)