كل من عنده معلومة يشارك

شباب شغلة امتحان ال اي ام اس ممكنه من ناحية القراية و ماديا هم معقولة بس المصيبة هسة الاردن مدتنطي فيزا بسهولة يعني انت تقدم اوراقك لشركة تي ان تي وهمة بعد وضميرهم لو يقبلوك لو يغلسون عليك فتخيل روحك كعدت تقرا 6 اشهر ودفعت رسوم الحجز وانطوك موعد وبالنهاية تجي الاردن متدخلك شيصير بيك؟

يا جماعة بصراحة بديت افكر اطلع تهريب ولو كان اخر عمل في حياتي .........اي احد طالع تهريب ممكن يساعدنه بمعلومة اكون ممنون جدا

واكيد شكرا نعمان للتفاصيل ورحمة على والديك واذا الله كاتبلي اجي لاستراليا فبفضلك بعد رب العالمين هاي اذا اجيت عود سلملي هههههههههه

شوف يابا، هذه هي الأماكن اللي يصير بيها امتحان الأم سي كيو خارج استراليا
• Amman • Bangkok • Beijing • Cairo • Dublin • Dubai • Hong Kong • Jakarta • Kuala Lumpur • London • Manila • Oman • Paris • Riyadh • Singapore • Tokyo

خلي نحسبها حساب عرب، المدن القريبة

عمان صعبة وحرامات فلوس الطيارة والبهذلة إذا يرجعوك
القاهرة تحتاج فيزا
دبي فيزا - صعبة إذا ما فايت الامارات قبل
سلطنة عمان - فيزا
الرياض - صعبة إلا اذا ترهمها ويا موسم الحج ويطلع اسمك بـ(القرعة)هههههه

المدن الاخرى الممكنة
بانكوك ، جاكارتا ، كوالا لامبور ، مانيلا ، سنغافورة

البقية كلش صعبة

هسا، حتى تحصل فيزا لأي مكان بالعالم لازم يا أما تكون السفارة مالتهم بالعراق حتى تقدر تتحرك عليهم أو تسافر الى مكان بيه سفارة لهذا البلد، اللمكان اللي ممكن تتحرك منه هو بيروت، لان مثل ما تعرف تقدر تاخذ فيزا لمدة اسبوعين اذا عندك حجز بفندق والفين دولار لمن توصل بالمطار وطبعاً سبب للزيارة، يعني إذا تقرر وترتب الحجز مال امتحان بفد مكان، تقدر تروح هناك وتقدم على الفيزا لهذا المكان، بس حاليا لازم تنتظر يتحسن الوضع ببيروت، والأماكن اللخ اللي تقدر تروحلها نوعا ما بنفس الطريقة هي تركيا وإيران

خصم الحجي أخويا، لازم (تتطقس) وتشوف يا واحد من هاي الأماكن ممكن ينطيك فيزا إذا تحجز الامتحان بيه، بعدين تشوف المكان اللي تقدر تقدم من عنده على هاي الفيزا، ممكن في بعض الاحيان قسم من هاي السفارات ما يحتاج أنه تسوي مقابلة علمود الفيزا فتقدر تدز المعاملة مال فيزا من العراق ومن تنقبل تدز الجواز بفدكس او دي اج ال، أكو خدمة عن طريق فدكس انه تدفع فلوس روحة رجعة

شوف شنو الممكن تسويه واتحرك على اكثر من اتجاه بنفس الوقت وان شاء الله تنحل

Dear Dr.Nabeel :
I KNOW ONE DOCTOR WHO WORK IN AUSTRALIA [ UCKLAND REGION] SHE GRADUATED IN BAGHDAD .MEDICAL UNIVERISTY AND SHE HAD DPLOMA IN NESAEEA , SHE entered exams to balance her knowledge and she succeeded and now she s working in the hospital and she s prepare to PH.D

about , working in romania as i told you , it s little bit difficult for 3 reasons :

1- have to learn romanian language
2- it s new in europe and .
3- the another problem [ our dear embassy ] , they do nothing unless take money , they send invitations for all their relatives but for [NORMAL IRAQI CITIZIN] it s forbidden bcmf/thmbdn.gif

, alla yekhalehom lel bog oo el haflat ooo bas

about azerbaijan , i think it s rich country , it s build it self , they found petrol in it....about work i asked some of my friends who study in baku [capital of azerbaijan] they said the doctors [ wageen mn el goh] that s mean no difference with another sovet contries.

SORRY TO ANSWER YOU LATE, I CHECKED MY KNOWDEGE AND THEN REPLIED TO YOU.
SORRY TO DISAPPOINT YOU

but that s the truth , i already thought u want to study only not work too.

I HOPE I HELPED YOU WITH ANYTHING ......

MY BEST REGARDS

عزيزي علي فارس
اني من كلت الثانية احسن فهذا كان رأيي الشخصي. يعني لو اني هسه متخرج واريد امشي بدرب امريكا فراح اسعى بالطريقة الثانيه اللي هي ام الكورس
السبب اللي يخليني افضلها انه انت مراح تكع ست اشهر او سنه تدرس وراها تقدم فيزا وتنرفض وتتدمر نفسيا ووقتك ضايع عليك وانما من البدايه راح تعرف راسك من رجليك واكيد بغض النظر عن الفيزا اذا تسوي هذا الكورس فهو راح يفيدك فائده كبيره جدا علميا كتحضير للامتحان نفسه.
اكيد الناحيه المادية شي مهم جدا والكورس مكلف بس اذا واحد مترهي ماديا الطريقه الثانيه احسن

نجي لسؤالك عن التكلفه الماديه... شوف حبي الطريقه الاولي مراح تكلف مبلغ تعجيزي يعني اتوقع الامتحان الاول اللي تسوي بالشرق الاوسط يكلف بالالف دولار والامتحان الثاني يمكن الف وربع او الف ونص والثالث بامريكا فد الفين بهالحدود ممتأكد بلضبط...يعني لو تحسبها فد 4 سفرات وطيارات وتكعد بذاك البلد فد اسبوع كل مره وبامريكا فد اسبوعين توصل دفتر وراها اكو غير مصاريف مثل التقديم والمراسلات..هاي كلها من عدا الفلوس اللي حتحطها بالبنك مؤقتا حتى تقدم على فيزا زيارة

الطريقه الثانيه تكلف نفس الشي زائدا فلوس الكورس بامريكا.. اكو هوايه كورسات تتراوح من ست اسابيع الى 11 شهر ...ابو الشهر ونص هوه مراجعه مكثفه وامتحانات اختباريه ويكلف 5 الاف دولار ما عدا عيشتك هنا اما ابو السنه فيكفه 34 الف دولار ما عدا عيشتك..
شوف هذا الموقع يفيدك بي شرح مفصل عن هذا الكورس وبقية الكورسات

http://www.kaplanmedical.com/Medical_Licen...mpleteprep.html

كلفة المعيشة بامريكا لا تقل عن 2000 دولار شهريا اذا تريد تعيش عيشة زينه يعني 3 وجبات باليوم ايجار بمكان جيد وتدفئه وتبريد وتنقلات وانترنت وكتب والخ...وطبعا متكدر تشتغل هناك بالسنه لأن فيزتك مال طالب

اني اعرف ولد ديسوي الكورس ابو السنه هسه بامريكا وطبعا الافضل هو ابو السنه لأن هو هذا بالتفصيل يبدي وياك من الهرومنات والخلايا للتشريح للياثو للميديسن والسيرجري وتصير الدراسة بمعهد طبي بامريكا والمحاضرين اطباء واساتذة جامعات وكلش يفيد ويدخلك بجو النظام التعليمي الطبي بامريكا بس على حجينا راح يكلف ويا فلوس الطيران والعيشه هناك بال 60 الف دولار خلال السنه عدا فلوس الامتحان بعدها ووالتقديم للتعيين وعدا الفلوس اللي تصرفها بالدوله اللي تقدم بيها على فيزا يعني بالضبط انت وال 70 الف دولار شي على شي...
طبعا هذا الحجي يجوز انت قبل متروح تدرس فيزتك مال الطالب تنرفض بس عالاقل من البدايه قبل متدرس وتضيع وقتك وتمتحن وتضيع فلوس...بس هي عموما اذا السفاره الامريكيه اقتنعوا انه عندك امكانيه تدفع واذا انت مخربطت بالمقابله فيزتك متنرفض...

واذا عندك اي شي اسأل

وعندي ملاحظه لنبيل فيما يخص الفيزا اذا تريد فيزا لمصر اكدر اطلعها الك واسطه بس تكلف فوك الالف دولار بس انت تكدر بدون دوخة راس تروح للبنان ومناك تروح لماليزيا لكوالالامبو تره تفوتلها بلا فيزا عادي اني عمي راح قبل 6 اشهر ويفوتون عراقيين بدون فيزا مسبقة يعني فيزا مال مطار