هالخميس ان شاء الله حفلة تخرجنا و هذا الاسبوع عالاكثر حيكون اخير اسبوع انداوم بيه ابالكليتنا فحتصير اجواء احتفالية لطلابنا بالكلية ابهالاسبوع و هذا شي اكيد
بس اكو شغلة عجبني اتناقش بيهة لان صار موضوع مناقشة الي هو هذا السؤال

هل تفضل بان الواحد بهالايام يعلكها و يركص و يفقد و يحتفل على طريقتة الخاصة و ياي مكان بالكلية كان تكون غنة اغاني او ركص باي انواعة و باي مكان بالكلية
او

اتكول على هيجي شخص هذا خفيف و مدا يحترم عمرة و هذا بعد جم يوم ايصير طبيب اشلون ايسوي هيج على اساس هيجي شغلات عيب او حتى ايجوز ايقل احترامك لهذا الشخص ؟؟؟

خلي انشوف رايكم و من الجنسين

اني رايي البسيط اشوف بان هاية الايام ما تجي بس مرة بالعمر و بالمستقبل اني متاكد حنتحسر على هيجي ايام حلوة فالواحد خل ياخذ راحتة و يغتي و يركص و يحتفل على طريقتة الخاصة و ابصراحة حتى اذا واحد حجة علي اي شخص من هالنوع حتى و لو جنت اني ما يهمني بس يبقة كل واحد و راية بعد

و شكرا

السلام عليكم
والله اجواء الكلية صايرة حيل حلوة واحد يتمنى لو هو هسة بالسادس وكاعد يتحضر لحفلة التخرج
مثل مة كلت هاي الايام تجي مرة وحدة بحياة الانسان وابد مة تتعوض واني اشوف اي تصرف عفوي يكون حلو سواء ركص غنة و اي شي اكو هواية كروبات فيكاتهم حيل حلوة
يارب حفلة التخرج تكون حلوة ومثل مة تتمنون
تحياتي

that's what our group did in 3arasat

i think we must NTKHABBAL THESE DAYS

nice topic doddi

THANKS FOR YOUR WISHES SHEREEN

اني اشوف انه هاي شغله حلوة وضروريه انه الواحد يحتفل ويعيش حياته
لازم الواحد يعبر عن مشاعر الفرح وهسه الطلاب ماعدهم غير الكليه علمود ينفهون عن نفسهم

Loay get ready , we will spark the college!

Doddi don't worry just do what u like !

يوم التخرج فعلا من الايام الي تمر على الانسان مره وحده بس ومستحيل تتكرر ويحمل مجموعه من المشاعر مابين فرح بأنو خلص 6 سنين وهيصير دكتور يفخر بنفسه ويفخر بيه اهله ومابين حزن والم على فراق الكليه والصحبه وانو اجمل مرحله من حياته خلصت متنعاد ولايجي مثلها ابد
والله من هسه شايلين هم شلون هنفاركها للكليه

يوم التخرج يومك سوي الي يعجبك افرح وغني واركص ردح تريد اوجوبي فوت اليوم وعلكها السنتر والعرصات والنادي كلها ميدانك هذا اجمل ايام عمرك لاتبخل بشئ ولاتخلي شي بنفسك ولاتخاف محد هيحجي عليك بالعكس هنصفكلك ونحييك

بالتوفيق للجميع ومبروك عليكم التخرج

هلو شباب شلونكم
صحيح اني ممعني بهذا الموضوع بس حبيت ابدي رأئي اذا هذا الشي ما بيه اي ازعاج
العام كانت الضروف هوايه اسوء من هسه ومع هذا هم سوينه حفله بسيطه وحاولنه
ان نعيش اليوم الحلو
بس بالنسبه الكم الموضوع مختلف تماما ... وصدكوني بعد التخرج رح تتمنون لو هاي الايام او اللحظات تعود ولو ثواني
بس للاسف ميل الساعه ميرجع للخلف
والحياة بعد التخرج شكل ثاني جدا مختلف عن الحياة الجامعيه
فــــ
Have fun , get chunked, rock it to the sky
cuz it happens once in a life,don't lose it neither miss it.

My best wishes and regards to you all

Sincerely,
Dr. Samer

اي والله لؤي...عاشت ايدكم عاللي سويتو
يعني هسة المفروض اني انتظر كروبي هم يعلكوها...شوكتتتتتتتتتتتتتتتت
مادري شلون كلما داافكر بيها..حتصير صدك


الله يوفقكم كلكم وياربي تعدي على خير

طبعا اعلكهه ... هي مرة وحدة بالعمر

وبعدين احنا شعدنه غير الكليه

ومبروك مقدما للستاجيريه وان شاء الله الموفقية والنجاح بحياتكم

hiii
لازم نعلكهة هو الواحد كم مرة يتخرج
بالنسبة الي راح اهلهل واعلكهة لاول مرة
كللللللللييييييييييييييلللللللللللللييييششش
راح اتخرججججججججججج
ياربي نتونس
ولو علمود الضروف احتمال تتاجل الحفلة
سلام

لاعفية رشا الله لا يكولها وتتأجل..بعد مدااتحمل الانتظار
ياربي تصير احلى حفلة
كولو امييييييييييييييين

hiiiiiiii
تاجلت الحفلة الى يوم الثلاثاء شفتوا الحض
اني ضايجة
يلا بكل تاخير لازم اكو خير

مساء الخير
ان شاء الله تكون هاي اخر مرة تتأجل بيها الحفلة وان شاء الله تعدي على خير
الجدول الجديد مال حفلة
الاحد:حفلة النادي
الثلاثاء:حفة الكلية
17/4:الصورة

هلو ساره
تره اكو احتمال الصوره يوم الاحد قبل حفله النادي
باجر الخميس رح يبين كلشي...
يشوفون رأيي العميد شنو

stay updated

ماكو صورة يوم الاحد على يوم 17 نيسان ان شاء الله

و عالحفلة مال الكلية ان شاء الله على يوم الثلاثاء قابلة للتمديد حسب الوضع

ان شاء الله اتعدي هاي الايام على خير و الكل تتونس و لو كلبي ديلعب بس الخير في ما اختاره الله