ليش ما يكون بالموقع فد قسم خل نكول تعاوني او تسهيل امور او شلون متسموه براحتكم يسهل امور الطلاب او يساعدهم على تبادل العروض بما انه احنه كلنه شباب واحتياجاتنه متماثلة ونوبات اني شي يفيدني ويفيد غيري بنفس الوقت وهكذا.......



على سبيل المثال اني الطالب فلان ابن فلان اريد خط يمر بالمنطقة الفلانية و الفلانية
او اني الطالبة فلانه بت فلان وضيعت قلادة ذهب بالكلية وارجو على من يعثر عليها ......الخ
او اني الطالب الفلاني عندي بلي 3 مستعمل واريد ابيعة بالسعر الفلاني ....الخ



يعني مثل لوحة الاعلانات اللي موجودة بقاعة البكر واني اقترح نسميه اعلانات الاعضاء او اي اسم تحبوه

اني أايد الفكرة عدا عن موضوع البيع و الشراء، لأن تتخالف مع اهداف الموقع
و اذا تلاحظ فما اعتقد انو بلوحة اعلانات قاعة البكر اكو احد راد يبيع شي او يشتري شي


Let's see what other members think, and I will happily do it

Thanks alot man for your suggestion and your concern.


Take Care

والله براحتك يا كاظم بس ترة حتة شغلة البيع او الشراء هم مابيهة شي يعني هوة كله خدمة للطالب اولا واخيرا .....اني اقترح لو شوية نصير عمليين اكثر وشكرا لاهتمامك بالموضوع

والله حلوة الفكرة
اني ايدهة

ني من جنت صف اول اشتريت كتاب سنيل عن طريق لوحة الاعلانات جان اكو طالب صف ثالث كاتب اعلان بالبكروحاط اسمه وشعبته ورحت عليه اتفقنه واشتريته منه

عاشت ايدك نبيل
خوش فكره
وخاصه اذا جانت الشغله المعلن عليها تخص طالب كليتنا
مثلا كتاب طبي او سماعه او جهاز ضغط
او حتى سالفه خط
بس مال واحد ديبيع بلي 3 ..ههههههه

very very nice idea......

hoping it will work....

شباب عوفو المظاهر وكونو عمليين والله شوية صفنو بالموضوع شوفو شكد مفيد مع احترامي للكل وانتو براحتكم بعد اني اللي عليه سويته والباقي يمكم واني راضي عن اي شي تتفقون عليه المهم الفكرة وصلت

مرحبا

اني اشوف الموضوع مو صحيح ,اتذكر مرة اني كتبت علة فد اعلان هنا وردلي كاظم كلي هذا مو موقع للاعلانات وميصير اني بعدين من شفت الموقع وفكرتة افتهمت انو اني جنت غلطان ,فما اعتقد هاي فكرة صحيحة ,بمكان ما تكبرون الموقع خلي نشوف ليش ديقلون المشاركين

والله اني اشوفها فكره مفيده وعمليه ومابيها اي شي يتعارض ويه الموقع .. وماتوقع حتكون سبب في تقليل اعداد المشنركين

بما انه اني مو طالب بطب بغداد
اني مشارك بالموقع صارلي فترة طويله بصراحة فكرة نبيل كلش مفيده و الاعلانات موجوده باكثر الكليات بالعالم , اتصور ما بيه شي يستفيد الطالب و اني متاكد انه اذا سويتوا قسم جديد لللاعلانات بالموقع راح اتكون اول قسم يشارك بيه العضو و يزداد الاعضاء و تضل مشاركاتهم

why not ??
Its agood idea

فكرة كلش حلوة .........بالعكس اني اشوف راح تزيد التفاعل بين المشاركين وبالتالي تزيد المشاركات
وهاي فكرة كلش عمليه وبمصلحة الكل
لو تصير بالموقع احسن من قاعة البكر لان اني عن نفسي ما اتذكر اخر مرة رحت لقاعة البكر

يمعودين لو معاملة بالجوازات هم جان مشت الموضوع صارلهة نازل بالموقع يمكن 4 اشهر وليهسة ما افتهمنه شنو الاقتراح راح يتطبق لو لا لو شنو؟