ابوووذيات من كل مكان و زمان

ياماانه جنت الدرع عنكم اصدن ورد
ارماح لمن تصل بجفوفي تصبح ورد
ياحيف هذا الخبر منكم اليه ورد

قررتو كلشي انتهه والصار ماجن جره
وكسرتو كل البكه من عندي كسرت جره
مديت حبل الوصل جف غيري عته وجره

بهمومي قابل اضل احصد وكابر ولم
ويكفيني منكم جرح بجتافي اه والم
من يسوه بيكم عتب خاطر اعاتب والم

خليني ساكت يخي لن ادري مامش حيه
بكصصهم اتبين شفت مرسوم ذيب وحيه
ندمان جفني اشكثر الهم توانه وحيه

وهسه انه يلله اعرفت مغلوب جنت وعلي
وياروحي هذا الجرح من عده ركي وعلي
بصوت حيل اندبي كلمن يضدج علي
مااطيح لاوالسمه وينكلب لوني ورد

طكووووووووووووووووووووووووووووووووووك

دائما افكر بيك وما رحت من بالي
مديتلك حبل الموده ياريتك تبالي
بقالي حبل واحد ويخلصن حبالي
اذا تظل هيج راح اكطعه بايديه

Nice one
and here are some to charge you up,hope you like'em

تغيب الروح بغيابك واردها
كتاب جفاك من عندك وردها
روحي بفركتك يذبل وردها
شمس انت وتنور الدرب ليه

تلوعنة وشفنه كل حلاوتهم ومرهم
والروح تمشي على طوعهم وأمرهم
حبيبي دوه لجروحي ومرهم
تمنيته يجي ويحن عليه

بسك لا تضل تشكي بهاماك
وتلوم العين وتعضعض بهاماك
اخذ طبع النخل وارفع بهاماك
واذا بالطين عركك هاي هية

سماح اطلب انا المنكم وهدنــــه
كمش بيد التعورنه وهدنــــــــه
جبل راكَع خجل جيتك وهدنـــــــه
اصير اتراب ونته اسحكَ عليه

تعال اسمع ون النايات وون عود
يخويه امشي نرد للوطن ونعود
اذا باجر متت بالغربه ون عود
وتظل ابعيد عن ارض الوطيه

تلوج الروح ياأحبــابي وراكم
وعجاج الضعن سد عيني وراكَم
يدمرني الحلم بيكم وراكم
ويريت الحلم واليقــضه سويه

ع)عرب خانو وكالو احنه اخوانه
ر) روح كذابه وغداره وخوانه
ا) اخ كدر يكتل ويفتن اخوانه
ق)قتل وتهجير اخ يالعراق شكد تحملت اذيه

Good one ..... Keep going

اهل الوفه ما وفو منهو بعد يوفي ....
والنار يا صاحبي هل شبت بيوفي ....
مدري الوكت ذبني بشمس لو في ....
والليل عده علي وإجاني بعده نهار ....
والدمع فوك الوجن سوه الخدود أنهار ....
عمرك شفت جبل من داخله إنهار ....
وانا اليا صاح بدينك يوفي

Dear Volcano,

Herunder I post you something different
its called " مشط الابوذية "
which is another type of Aboothiya ... hope you like it...

الدهر ياصاح بالفرقه ولانه
ولانوبه انكسر كلـبه ولانه
لا انت عرفت الحـب ولانه

نسينا الشوك واخلفـنا وعدنا
وعلى الهجران ردينا وعدنه
هذا من الوكت والحب وعدنا

يفر بيه الوكت نوبه وفر بيه
ومن ثلج العمر دربي وفر بيه
اشرد وين انا بكلبي وفر بيه

بدرب مسدود ومتيه محـله
ادموعي جم ذنب كلبك محله
بعد طير بضباب ابدا محـله
ولا اظن بعد نتلاكه سـويه

اريد الياس منك ياسة ياسة
وهذا القلب صدق يأس يأسة
تقلي احجي بسياسة يا سياسة
سايستك قبل دقيت بيه....
يهل تنشد على حالي تراني
ابد ما يستوي وكتي تره ني
صحيح الناس متهندم تراني
لجن نيران البقلبي سرية ...

ما لذ عيشي بغيابك ولا طاب
وغلقت باب القلب لا طالع ولا طاب
و بقى ينزف جرح قلبي ولا طاب
وابد ميطيب اذا مترد اليه...
حلو طبعك حبيبي منته عادي
احكمت قلبي بقساوة وانت عادي
تمنيتك حبيبي من تعادي
تعادي الناس اليوزونك عليه...

بديت وما عرفت منين بدواي
عليل وحارت العربان بدواي
اذا انت طبيب و تعرف بدواي
الحقني بالشفا قبل المنية...

يهل رايح لأخونه وصي اخونه
تره الوصخين كثروا وصخونه
طحت مابين مرضين والصخونه
مرض صبري ومرض فركاك اليه...

عليل وكون اطيبن يوم وابره
ومن ذنب الجنيته ارتاح وابره
عشرتي وياك عشرة ثوب وابره
يبززني واقول يروف بيه ...

يابة شباب هذا التوبك اهنا سويتة حتى انخلي بية شكو شماكو من الابوذيات و راح اجمعها كلها ان شاء الله و اخليهن اهنا .. انتو هم اذا عدكم اي ابوذية جيبوها اهنا و شكرا