نفس ونريد شمـك ياهوانا
العمر ذله ابغيابك ياهوانا
أتيه الروح يمــك ياهوانا
خيالك مرهم ودلاها عليه

حبيبي اختارك الــــدلال واشراك
عجب تحفر حفر لهواك واشراك
وحق مني الاله إنـــــداد واشراك
أحبك لو تصير احــــــــزاب إليه

نقل طرف الجذيله وحـــــيل يرها
حجي الغالب على المغلوب يرها
أنا روحي أشعره والمجنون يرها
لون عــــاقـل تــرك منـــها بـقـيه

احبك ما أحب عل الأرض سواك
سبحان الذي من طــــــــين سواك
بشر لكنه ويال القــــــــمر سواك
واحد فوق واحد بــــــــــين ايديه


بديت أوماعرفت أمنين بدواي
عليل أوحارت العربان بدواي
إذا أنته طبيب اتعــرف بدواي
الحقني بالشفا قبــــــــل المنيه




بديت أوماعرفت أمنين بدواي
عليل أوحارت العربان بدواي
إذا أنته طبيب اتعــرف بدواي
الحقني بالشفا قبــــــــل المنيه

وحك جمع النبـــــوه والنباهه
وحيد انت بجمالــــك والنباهه
بآمري اشدرّه روحك والنباهه
وآنه بسري تمنيتك اليه

يحن كلبي على حبك من أحبك؟
اخذ زهوة شبابي مني حبك
نشدك ياهو الاكثر مني حبك
حته بهالسهوله تخون بيه

اجينا العام مرة وهاي مرة
واليريد الحلو يضوك مرة
ريت اندل اهلكم وامر مرة
واشوف الشوك البكلبك علية

منقولة

عاجبني بنضرة عيونة وطولة
شوكت يا روحي اوصلة واطولة
بدونة اسهر ليالي وتطول اه
حبيبي ويصعب فراكة علية

يدنيا وياي كافي ظلم بس عاد
اريد انه اعيش بيوم باسعاد
حرام اني اكضي الليل بس عد
نجوم وشوفتك حسره عليه

ثكل حزني بغــــــــــــــيابك مال مني
وغير جروح فــــــــــــــــكدك مال مني
ولون ينباع شـــــــــــخصك مال مني
وابيـــــــــــــــــــــــــع الروح اذا ترجع الية


منقول

امشيلك بدال الميل ميلان
وحبك على كلبي يميل ميلان
اذا نادي عراقي غلب ميلان
يصير نسيانك سهل علية
منقول

حلو

3ashet Elayadi

يا كلبي ما نفع تعبك ولا رباك
وحصتك صارت الدوخه والارباك
بطريقك بعد ما عاين ولا اربيك
من اطيحك هم ترد للحفر حيه

لان طكات شماتي بهاماي
وشن لا تظن عيني بهاماي
اذا اعز الرضه يبصم بهاماي
اكطعه ان جان يرضالي برديه

حميتك دافعت عنك و رحماك
الطعن ارحم ولا لوذن برحماك
كلت اوليك ما عوفك ورحماك
وليتني وطيبتي عمت عليه

مهلمه انطيني واصبرلي لعلماك
اخاف تكول ما يدري لعلماك
انا الساريه الواكف عليهه علماك
من اطيحن تطيح خركه على الوطيه

تحياتي

خــوط الجـاي دهري .. خاطَ بينه
وخـط الســـوء قلمك .. خاط بينه
من كَــالولي ولفك .. خاطبينة
شرد عقلـــي وتسودن كـلشي بيه


منقول

حبيب جروح الك بالروح حالن
وامس احسن من اليوم جنت حالا
اريدك تنتخيلي وتمر حالا
باجر وين ما تلحك عليه

اسكت لا تضل تشكي بهاماك
وتلوم الروح وتعضعض بهاماك
واخذ طبع النخل وارفع بهاماك
واذا بالطين عركك هاي هيه
______________________

تحياتي لسويت على المواصله

ندوخ احنة بدونك يا هوانه
ومن ما اشوفك ما اعرف ياهو انة
گوگل اصيرن الك وياهو انة
دبليو دوت وتدخل علية

منقووول

عشرتك روحي صدك ما تملهه
وكلبي ايام سعدك ما تملهه
اريد انصب لروحي مأتم الهه
اشوفك هم تجي وتبجي عليه

لو مرة تمر مثل الشماته
وانه لنحرك ولك يالاسمرشماته
عليه مغرور كالولي شماته
صحيح بشامتك تنغر عليه

لو تذكر ارباي وياك والعن
ولا تنغر على اللي بيك والعن
فرضنه لو اسبك حيل والعن
هم بغيض وك تزعل عليه

............ التكمله بعدين


تحياتي

ابوذية زنجيل

گلبي بنضرة منچ هام عذري
و عشگ عشگچ عشگ عشاگ عذري
ماگولن احبچ هذا عذري

و اجي بكل يوم يم دارج و امرهه
و عشگت الحلو بعشرتنه و مرهه
خطية الروح حيرانه و امره

صفه بأيدچ دشوفي شلون حالي
علية الضيم بس لايگ و حالي
القهر ماضي البشر كلهه و حالي

فقط وياي شو صاير و حاضر
و صرت استاذ باحزاني و احاضر
على استعداد دوم ابقى وحاضر

انفذ كل طلب منچ باشاره
يهالوجهچ سمح كله بشاره
اجيتي من السما انتي بشاره

و جبتيلي الفرح كلة و خيره
بغيابچ روحي مغلوبه و اخيره
سحر سويت انا لاجلچ و خيرة

تشوف شينفع بحبچ وسيلة
و يفيد اهمل دمع عيني و اسيلة
اناشد هالگلب صدگي و اسيله


غيرچ بيه احد منتسبله ؟
و يحب روحچ تمدحه و من تسبله
سألني الگلب تدري من تسبلة

شعرهه شلون چنه بليل حالك
و اريد انشد عن اخبارك و حالك
دگلي بحبهه انت احد وحالك

لو گلي محبتك هاي فطره
و تعال و شوف گلبي شوسع فطره
صايم بالحزن ما شاف فطره

و مرض و انت محبتك مرهم النه
و جفاك الروح صدگ مرهم لنه
حبيبي شبيك تجفي مر هملنه

عليك عيون مو دمعه و اعدي
و بعد ما ينفع حسابي و عدي
عندي اصحاب بالجملة و عندي

فقط محبوب انت و گلبي مالك
و تناشدني و تگلي شبيك مالك ؟
احاچي الكون كله لساني ما لك

و يم روحك تلكأ خاف منهه
و محبتك ما عرفنه الخافي منهه
منه صغيرة عندي خاف امنهه

عليك و ما تحب المنه بينه
و لا نرضه نزعل المنه بينه
الوصايا انت تعرفهه المن نبينه

لو رايد اعلمك و افهمنك
يلي برقتك ماكو و افهه منك
اذا انت تگول فاهم و افهم انك

فهمت المسأله شمالك يخلي
چفك بالگلب خنجر يخلي
و يشوف جروح البگلبي و يخلي

بجروحه و حسرته و خنجر ترك بي
و چفوفك اجت و بزايد ترك بي
ولك حبنه فرع واحد ترك بي

يأما ان تتركه و ان تحله
و يأما ان تشده و ان تحله
طفل عريان گلبي و انت حله

تعال ارجوك وك استر عورته
و تذكر شون بغيابك عورته
ولك عينين چانتله و عورته


لمن رحت و تركته و صار عامي
و الك مخصوص چان و صار عامي
وك مو عام واحد صار عامي

صار اعوام نار و انت جنه
و سكن جني بدليلي و انت جنه
دخيلك دحچي يسمر و انتجنه

شهد صافي و اظن حچيك شهد بي
و تريد اترك و اهد حبك شهد بي
اذا گلبك اقر ليه و شهد بي

حبي شلون هسه تريد اهمله
و انا الدمعي فقط لجلك اهمله
چنت يا ناس بالشدات اهمله

و من طحت بشدايد مره شدهه
لحد مالروح شطت من رشدهه
احل مرة محبته و مرة اشدهه

و مرة اندم على اللجله ضحيته
و احس الروح شو چنهه ضحيته
سوة صارت مسيته وي ضحيته

و سواد الدنيا بعيوني تراكم
و بعد العيون ما تگدر تراكم
لان صار الرمد بيهه ترا كم

و اناشد يمته تشفه من رمدهه
و اجر بالونة مرة و مرة امدهه
اجو عذال بعدك مرم ادهه

من أي عاذل بهذا الكون كله
يالمنك نسجت بگلبي كله
تريد اترك و ابطل شوگ كلا

اظل للموت احبك وك هويتك
و دليلي بنار ما اهوي هويتك
صدگ يفلان ما اعرف هويتك

و لكنك صرت لية هويه

عاشت الايادي