ابوووذيات من كل مكان و زمان

ياحلو الاطباع واصلني وقارب
يهل ماعندي اهل غيرك واقارب
ردتك بالبحر سفينة وقارب
تشيل الحمل من يثكل عليه

انا بكاروك حبك وانت هزني
صرت فررصة بحياتك وانتهزني
انه شجرة محبتك وانته هزني
وخلي الورد يتناثر عليه

يلي ناديت باسم هواي عيده
ويل ماخذ دليلي وياك عيده
الكلب مو بس بعد رمضان عيده
عندي العيد من نكعد سويه

اتمنى تعجبكم ترة مو من تاليفي

حلو .. حلو ..

اف من زماني اه منه
على اللي عشرتي وياه منه
اكله الدرب هذا يكول منه
اكله فوت بيه يرد عليه

صعدت اجبال فوق اجبال عالي
أوصرخت صوتين يم قدله تعالي
يـنـيـت قـــصـر بـالجـــنه تعالي
نــرد نـســـكن أنـــا ونــته سويه

كحل بالعـــين أحـــــــــبابي يحطون
أوياحربه أمسومره أبقصبى يحطون
ياليت أهلك أبجــــنب أهلي يحطون
نـــنام أثـنـيـــنا أونلتــــــــــف سويه
___________________

د. نجم / نجمه شكرا على هاي المشاركات الحلوه و أحب أكول أنو الفضل مو بس للي يألف الابوذيه و لكن أيضا للي يوصلهه للناس و أني برأيي اللي يوصل افضل من اللي يكتب فماكو مشكله اذا كان منقول لو لا المهم يوصل المعنى .... وننتظر الاحلى .

شكرا .

مو من تأليفي... منقووووووووووووول

فلم صاير زماني وانا مشهد
اكللها اشهدي عليه تكلي ابد مشهد
تحلفني بمقام الرضا اب مشهد
تكلي ابن عمتي اذا تحجي عليه

الزمن عكس وياي ياناس وشل بيه
من بعدج هذا العمر ماريده وشلي بيه
الجسد باقي الجسد بس الكلب شلل بيه
عليل الكلب وطبيبي مايدري بيه

وسام حبج الي حصدته وناليت
ليت تكونين يمي واكون يمج وناليت
منو مثلي الدنيا غدرت بيه ونالت
وخلتني ابجي دموم كل صباح وكل مسية

دمع العين علوجنات صبه
مقام بموتاي دك علي الرست وصبا
انا مسلم ماحسوب ابد ولا صبا
بفراكج ضاعت اخرتي ودنيتي سوية

عمر ثاني على عمرج لزيد وخلي
من بعدج لعوف الدنيا كلها وخلي
انا ما يوم انكرت ولفي وخلي
واللي نكرني راح يبجي دموم عليه

لتهم بالعمر خلصان وحدة
وسرى ظعنك ترى بالهوى وحدة
حلت چنهة بعيونك غير وحدة
وكمت ما تسال ولا تمر بية
الرد
غيرچ ما حلا بعيني ولا طاب
ودونچ ما دخل كلبي ولا طب
ويجرحي وياك ما هود ولا طاب
دم ينزف من فركاچ الية

هجرك يا ولف صاير بلا حد
مثل سيف اليكص ركبة بلا حد
كلتلي انتظري انا ارجع بالاحد
اجة الاحد ويمتة تمر علية

هاي ابوذيه عن الصداقة

اني صديقك اللي يضم سرك
واذا انت حزين ومهموم اسرك
ومن سجن الضيم افك اسرك
انت صديقي واعز الناس اليه

كفو والله د. بركان وهاي ابوذيه منقوله

ال يرفس برجله يصيحوله دافور
وانه مثل الماي بجدرك دافور
اذا انحلت قضية دافور
منهو اليحل سالفتنه

انا العطشان منك مي أتاني
ومثل صبري بغيابك من يتاني
تگلي شلون صحتك ميت اني
وبعدك روحي عرفتها المنيه

منقول

اظن وني ترس سمعك وكفاك
من اكلك مدلي ذرعانك وكفك
كتلك ليه فك كفك وكف فاك
تفك فاك وتكف كفك عليه؟

صبرت وياك حد ما عجز صبري
واكول للروح وللكلب فدوه اصبري
شجاك شغيرك ياابن صبري
تشوفني ومااتجي سلم عليه

وحق رمضان وصيامه والامساك
يباجر ما يكض شوقي ولمساك
ابد ما اطمع بجيسك ولمساك
اكتفي بشوفك حبيبي وهاي هيه...

شلون الروح اكضها من تهم بيك
ومثل تهمة حبيبي متهم بيك
الضيم اليمر بيه منته هم بيك
ولاجنك وانه مبين عليه...

يروحي بطلي المعاشر وعودي
سباني ونحل عظامي وعودي
انا الما خنت مرة وعودي
عجب ليش الحبيب ايخون بيه؟؟؟

مو تاليفي

تره حبـــك جـرف روحي جرف
غركـان خلاني ببحر انشد جرف
كلبك صخر وانت علي متعجرف
عسى كلبــك يحـــن مـرة عليـــه

هاي الاوذيه كتبته بوكت الامتحانات عن التشريح

لوتجيب شايب عمه تجاوز الميه
وتجيب شاب مداخل محو الاميه
وياهم طفل بعده يشرب المميه
واكلهم انجح بالتشريح يضحكون عليه

يعاذل حني رجليك ودينك
وكعت واستافت غاياتك ودينك
احلفلك بالنبي وربك ودينك
اكعد لاتشمت اعداي بيه

حبيبي شلون ماأحبك ولا ابيك......
وامك ماتحن مثلي ولابيك..........
عساهن بيه لوعاتك ولابيك........
واحول كل الألم منك اليه.

شوكت من الحقد كلبك تعله.....
واضن حالف على كلبي تعله.....
عليه الدوني يادهري تعله.......
اريد اعرف سبب هاي الاذيه.

يمته تردني الجمعك وشملاك
وتخليني على خدودك وشملاك
أمنع كل من باسك وشملاك
وأحرسك كل صباح وكل مسيه

شهور ناسيني شمالك
عذاب الهجر چن ماشمالك
أتمنى ألزم يمينك وشمالك
وتتلمس جروحك بگلبي طريه

يگلبي الهويناهن ماهونه
ولا تبچي علتركنه ماهونه
أون كل لحظه إلهن ماهونه
تصعد للسما وترد للوطيه

بهجرچـ حرت صبري شلون أنسجنة
وبسجن هجرچـ أنا وگلبي إنسجنة
على نوحي الخلگ ناحت إنسجنه
وأجت عذالي تبچي بدم عليه

غيري من گصدتيه مايگلبچ
صدگي لونطيته مايگلبچ
لأن گلبه يحب واحد ومايگلبچ
وهو منبوذ كلمن يحب ميه

بانن علامات الهجر منچ ولاحن
وأبد ما رف علي گلبچ ولاحن
يريت الموت ماخذني ولاحن
فراگچ وأندفن جوة الوطية

على الونة يدنية ساعدينه
ولا تلزمين من نلطم ساعدينه
گلبنا ساعة حبه وساعة ديني
وشركنا ا لدين وي الحب سويه

بهجره أبد ما أهجع ولاهود
وعذابي إبرهه ما شافة ولاهود
شكثر حب إله بگلبي ولاهود
كسر گلبي وشعل نيران بيه