لا تصفن تره تنزف الصفنات .. وجرح الصفنه ما عاش اليضمده
شوف السده رغم تعارض الماي .. بس الماي ظل شابگ السده
أمر عليك رگبه تمر علي سيف .. وتريد بلايه دم سيفك أحده !؟
ردت وده وي غيرك حتى أنساك .. أكو غيرك شفت بس ما ماكو مثلك
ويا مده التفيد وگلبي مشلوع .. ورغم هو مشلوع بس إنته تعيش عنده
أحبك واجب , أكرهك ممنوع .. أشوفك مو حلو بس عيد أرسمك
أسولف وي أهلي بغير موضوع .. أهلي تسودنوا چي جبت إسمك
أحسك مدري شنهي إبين الضلوع .. إگطعت نفسي وعلي تفرض أشمك
أتلوه من سمك , حقي موجوع .. وما ترضالي أتلوه من سمك
وتطشرني بحقد وتگول أشاقيك .. وأفرح بالشقة وبگلبي أضمه
بكيفك سوي كلشي انه غلطان .. لأن انه الگتلك گول كيفي
ذبحتني وسيفك بدمي غرگان .. وتطالبني وتگلي جيب سيفي !؟
ذبحتني من أشبگك ممن تخاف ؟ .. ما خفت الله خايف من نزيتي !؟
كل حيفك أخذته مني يا فلان .. وگلت يا حيف ما كملت حيفي !!؟
إعزاز بيت گلبي ومشوا العزاز .. ولا واحد بقه بس إنته ضيفي
بعدك بالگلب رغم الخلافات ..المسافات إنلغت بينك وبيني
ما ينطيني گلبي أزعل وياك .. بس أگولن إنشالله ينطيني
أتوقع فد يوم يجي وأنساك .. بس أتمنه أموت وما يجيني
أعرفك مو إلي بس انه أهواك . لأن إنته الوحيد المالي عيني
أريد إنته أي شي يغطي العين .. حتى ما تصد بس إلك هي
أريد علـّه بيه وكون ما بيك .. انه وياك نتعاون عليه
وأريد إنته ريح تصير وحبال .. وتهزني الريح ويفلتن إديه
حتى أطشر انه بكل الدروب .. حتى منين ما تعبر , تعبر عليه
حتى منين ما تعبر , تعبر عليه
شوف السده رغم تعارض الماي .. بس الماي ظل شابگ السده
أمر عليك رگبه تمر علي سيف .. وتريد بلايه دم سيفك أحده !؟
ردت وده وي غيرك حتى أنساك .. أكو غيرك شفت بس ما ماكو مثلك
ويا مده التفيد وگلبي مشلوع .. ورغم هو مشلوع بس إنته تعيش عنده
أحبك واجب , أكرهك ممنوع .. أشوفك مو حلو بس عيد أرسمك
أسولف وي أهلي بغير موضوع .. أهلي تسودنوا چي جبت إسمك
أحسك مدري شنهي إبين الضلوع .. إگطعت نفسي وعلي تفرض أشمك
أتلوه من سمك , حقي موجوع .. وما ترضالي أتلوه من سمك
وتطشرني بحقد وتگول أشاقيك .. وأفرح بالشقة وبگلبي أضمه
بكيفك سوي كلشي انه غلطان .. لأن انه الگتلك گول كيفي
ذبحتني وسيفك بدمي غرگان .. وتطالبني وتگلي جيب سيفي !؟
ذبحتني من أشبگك ممن تخاف ؟ .. ما خفت الله خايف من نزيتي !؟
كل حيفك أخذته مني يا فلان .. وگلت يا حيف ما كملت حيفي !!؟
إعزاز بيت گلبي ومشوا العزاز .. ولا واحد بقه بس إنته ضيفي
بعدك بالگلب رغم الخلافات ..المسافات إنلغت بينك وبيني
ما ينطيني گلبي أزعل وياك .. بس أگولن إنشالله ينطيني
أتوقع فد يوم يجي وأنساك .. بس أتمنه أموت وما يجيني
أعرفك مو إلي بس انه أهواك . لأن إنته الوحيد المالي عيني
أريد إنته أي شي يغطي العين .. حتى ما تصد بس إلك هي
أريد علـّه بيه وكون ما بيك .. انه وياك نتعاون عليه
وأريد إنته ريح تصير وحبال .. وتهزني الريح ويفلتن إديه
حتى أطشر انه بكل الدروب .. حتى منين ما تعبر , تعبر عليه
حتى منين ما تعبر , تعبر عليه