اليعيش بالحيلة .. يموت بالفگر !!؟

ما أرجع بعد لا تحاول وياي .. خيط الرجعة آنه وياك گصيته
سراب إبمحـبـتك يالچنت أظن ماي .. و تحلفلي سرابك بحر سويته ؟
تلگيت إبحناني سهمك الجاي .. سهم مسموم ليش إبگلبي خـلـيته ؟
شر مخفي إبكلامك ينعزف ناي .. و الثعبان بيتك للأسف بيته
تره الملگه اويه مثلك ينگلب داي (داء) .. و آنه إبفرگاك صدّگ گلبي داويته
روحي إتعلمت من غدرك هواي .. و ما يغمض بعد هالجفن وصـيته
چنت إنته أغله ناسي و صرت بلواي .. كرهتك يا أعز إنسان حبيته
عساني لا شفت شخصك إبدنياي .. و أبد ما ينسه گلبي إشلون أذيته
تتعثر و أذكرك صدگ إبهاي .. و ال بالحيلة عايش فگر تاليته