تريد أنساك .. گلي شلون آنه أنساك
هم شفت النهر لحظه نسه جروفــه ؟
إنته كتاب گلـبي واضح مـن أقــراك
بـدموع الليــالي إنكتــبت حـروفـــه
يا شمعه درب تضوي على العشاك
مـن بعيــد نـورك يشــع و إنشوفــه
يا كلك حياتي .. و كلي آنه ويــــاك
خلي حبك جرح للموت مـا أروفــه
يلي طبعك گمر و أتسامر النجمات
لو عنــهن غبت .. تتــنطر طيوفــه
يا (حـاتم) كرم معروف صيتك دوم
ديـوانـك يرّحب دومــه بضيوفـــه
يا فرحه امل .. لو تمر بين النــاس
أحس بغــــداد عـدنه الليله مزفوفـه
يا ناي الحزن بيك إنعــزف مــوال
و كلمـــاتك لحن ما منهه معزوفـه
مو إنته بحياتي صرت اليه الروح
و هاي الروح مثل الشمس مكشوفه
لو عني إرحلت أي حال أمرن بيك
مثل حال اليتيم و دمـعه بچفــوفـــه
و أگلك شوف وكتي شسوه بيه اليوم
بگليــبي بقــن طعنــات لسيــــوفه
هم شفت النهر لحظه نسه جروفــه ؟
إنته كتاب گلـبي واضح مـن أقــراك
بـدموع الليــالي إنكتــبت حـروفـــه
يا شمعه درب تضوي على العشاك
مـن بعيــد نـورك يشــع و إنشوفــه
يا كلك حياتي .. و كلي آنه ويــــاك
خلي حبك جرح للموت مـا أروفــه
يلي طبعك گمر و أتسامر النجمات
لو عنــهن غبت .. تتــنطر طيوفــه
يا (حـاتم) كرم معروف صيتك دوم
ديـوانـك يرّحب دومــه بضيوفـــه
يا فرحه امل .. لو تمر بين النــاس
أحس بغــــداد عـدنه الليله مزفوفـه
يا ناي الحزن بيك إنعــزف مــوال
و كلمـــاتك لحن ما منهه معزوفـه
مو إنته بحياتي صرت اليه الروح
و هاي الروح مثل الشمس مكشوفه
لو عني إرحلت أي حال أمرن بيك
مثل حال اليتيم و دمـعه بچفــوفـــه
و أگلك شوف وكتي شسوه بيه اليوم
بگليــبي بقــن طعنــات لسيــــوفه